E Mata, e Isi ne Ata Vitio, Tusi, io me ko Pese e Fakatapu ne Molimau a Ieova?
E seai. E se fakatulafono ne te motou fakapotopotoga saukātoa se fakasologa o ata vitio, tusi, io me ko pese kolā e ‵tau o ‵teke atu a tino ki ei. Kaia?
E fakamalosi mai te Tusi Tapu ki tino katoa ke akoako faka‵lei “te malosi o olotou mafaufau” ke iloa te mea tonu mai te mea ‵se.—Epelu 5:14.
E tuku mai i te Tusi Tapu a akoakoga fakavae faigofie kolā e mafai o fakaaoga ne se Kelisiano ke filifili a fakafiafiaga. a Kae i feitu katoa o te olaga, a te motou fakamoemoega ko te “fakamautinoa aka faeloa ne [matou] a mea kolā e talia ne te Aliki.”—Efeso 5:10.
E akoako mai te Tusi Tapu me e maua ne ulu o kāiga se tamā pulega, telā e mafai o filifili aka ne latou ke se talia a nisi fakafiafiaga mō olotou kāiga. (1 Kolinito 11:3; Efeso 6:1-4) Kae i tafa o te kāiga, e seai se tino e isi sena aiā ke fakatapu ne ia a nisi ata vitio, pese, io me ko ata mō Molimau katoa.—Kalatia 6:5.
a E pelā mo te Tusi Tapu, e taku fakamasei i ei so se mea telā e fakamalosi aka ei a faifaiga faivailakau, amioga fakatauavaga sē ‵tau, io me ko fakasauaga.—Teutelonome 18:10-13; Efeso 5:3; Kolose 3:8.
You May Also Like
ATA ‵LOMI MŌ TAMA‵LIKI
Tafaoga i Vitio: E Mata, a Koe e Sili Loa?
A tafaoga vitio e mafai o gali, kae e mafai foki o fakamataku. E mafai pefea o kalo kea‵tea koe mai mea fakama‵taku kae ke sili koe i te olaga tonu?
AKOAKOGA I TE TUSI TAPU
Tofotofo Aka ki te Auala e Suke‵suke ei Matou ki te Tusi Tapu
Fakamolemole atu ke fai sau akoga faka-te-Tusi Tapu sē ‵togi ne se faiakoga i a koulua eiloa.