PESE 75
“Tenei Au! Uga atu Au!”
-
1. E fakamasei ne tino,
Te igoa o Ieova.
E fai mai a tino,
‘Me seai se Atua.’
Ko oi te tino ka fano?
O faka‵ma tou igoa?
(TALI 1)
‘Tenei Au! Uga atu!
Ke tavae tou igoa.
E seai se isi tulaga.
Tenei Au! Uga atu!’
-
2. E se iloa ne tino,
O ma‵taku ki a ia.
E tapuaki latou
Ki olotou tupua.
Ko oi te tino ka fano?
O fai atu ki ei?
(TALI 2)
‘Tenei Au! Uga atu!
O fakamatala ki ei.
E seai se isi tulaga.
Tenei Au! Uga atu!’
-
3. Pefea te fanoa‵noa,
O tino i mea ma‵sei.
E ‵sala ne tino ‵lei,
A te auala tonu.
Ko oi te tino ka fano?
O fakamafanafana?
(TALI 3)
‘Tenei Au! Uga atu!
O akoako latou.
E seai se isi tulaga.
Tenei Au! Uga atu!’
(Ke onoono foki ki te Sala. 10:4; Eseki. 9:4.)
