Faataoto 24:1-34
24 Ke mo a ma kaisano koe ona ko tāgata amio matagā,Kae ke mo a ma manako malosi koe o fai taugasoa mo latou,+
2 Me i olotou loto e mafaufau ‵loto ki fakasauaga,Kae ko olotou laugutu e fai‵pati ki te faka‵tupuga o fakalavelave.
3 E auala i te poto e ati aka i ei se kāiga,+Kae e auala i te atamai i te faiga o faka‵tauga ‵lei e tokagamalie i ei.
4 E auala i te iloaga e ‵fonu ei ana potuI vaegā koloa tāua kae ‵gali.+
5 A te tagata poto e malosi,+Kae e gasolo aka te malosi o se tagata māfai ko maua ne ia te iloaga.
6 E auala i fakatakitakiga atamai* ka taua atu ei koe,+Kae e auala i tino fakatonutonu e tokouke e maua i ei te manumalo.*+
7 E se mafai o maua ne se tino valea a te poto tonu;+E seai ne ana pati e fai i te mataloa o te ‵pui o te fakai.
8 So se tino e fai ana aofaga ma‵seiKa taku e pelā me se tino apo i te faitogafiti.+
9 A togafiti va‵lea* ne agasala,Kae e takalia‵lia a tino ki se tino fakatauemu.+
10 Kafai koe e loto vāivāi i te aso o te puapuaga,*Ka foliki fua i ei a tou malosi.
11 Faka‵sao a latou kolā ko ave o tamate,Kae taofi a latou kolā ko takitaki atu o tamate.+
12 Kafai e fai atu koe, “E seki iloa ne matou a te mea tenei,”
E a, e se iloa ne te Atua telā e iloilo ne ia a loto* a te mea tenā?+
Ao, a te Atua telā e onoono atu ki a koe ka iloa ne iaKae ka ‵togi atu ki tāgata taki tokotasi e ‵tusa mo olotou mea ne fai.+
13 Taku tama, kai ki hani, me e ‵lei;A te tinā hani e magalo.
14 E penā foki a te poto, e ‵lei mō koe.+
Kafai e maua ne koe, ka manuia ou aso mai muaKae ka se galo atu tou fakamoemoega.+
15 Ke mo a ma amio koe e pelā me se tino masei kae alamati ki te tino amiotonu i tafa o tena fale;Ke mo a ma fakamasei ne koe tena koga malōlō.
16 Me i te tino amiotonu e mafai o siga fakafitu taimi, kae ka toe tu aka,+Kae ko tino amio ma‵sei ka ‵siga ona ko te malaia.+
17 Kafai e siga tou fili, ke mo a ma fiafia koe,Kae kafai e pakū a ia, ke mo a ma fiafia tou loto;+
18 I te mea ma lavea ei ne Ieova kae e se fiafia a ia,
Kae ka ‵fuli kea‵tea Tena kaitaua mai i te tino tenā.*+
19 Ke mo a ma fanoanoa koe* ona ko tāgata matagā;Ke mo a ma kaisano koe ki tino amio ma‵sei,
20 Me ka seai ne aso mai mua o so se tino matagā;+A te moli o tino amio ma‵sei ka tamate.+
21 Taku tama, mataku ki a Ieova mo te tupu.+
Kae ke mo a ma ‵kau fakatasi mo tino ‵teke.+
22 Me ka oko fakavave mai te lotou malaia.+
Ko oi e iloa ne ia te fakamaseiga ka aumai ne lāua konā* ki a latou?+
23 A pati foki konei i a tino ‵poto:
A te fakailoga tino i te faiga o fakamasinoga e se ‵lei.+
24 So se tino e fai atu ki te tino amio masei, “A koe e amiotonu,”+
Ka fetū ne tino kae taku fakamasei ne atufenua.
25 Kae ka ‵lei eiloa a mea mō latou kolā e polopoloki ‵mafa ne latou a ia;+Ka oko mai ki luga i a latou a fakamanuiaga o mea ‵lei.+
26 A tino ka sogi atu ki laugutu o te tino e tali mo te fakamaoni.*+
27 Fakatoka au galuega i tua, kae fakatoka ke toka a mea katoa i te fatoaga;Tenā ko faite ei tou fale.*
28 Ke mo a ma molimau atu e uiga ki tou tuakoi e aunoa mo ne fakamaoniga.+
Ke mo a ma fakaaoga ou laugutu ke takitaki ‵se ei a nisi tino.+
29 Ke mo a ma fai aka: “Ka fai atu eiloa ne au ki a ia ana mea ne fai mai ki a au;Kae ka toe taui atu ne au ki a ia e ‵tusa mo ana mea ne fai.”+
30 Ne fakasili atu au i tafa o te fatoaga a te tino paie,+I tafa o te togavine a te tagata e se lava tena faka‵tau.
31 Ne lavea ne au me ko ‵fonu eiloa i mouku ma‵sei;A te laukele ko ufi ne mouku makai‵kai,Kae ko tena ‵pui fatu ko maofa ki lalo.+
32 Ne lavea ne au te mea tenei kae faka‵goto ifo foki ki toku loto;Ne lavea ne au te mea tenei kae tauloto ne au te akoakoga tenei:
33 Ke moe malie, ke faka‵vale malie aka a mata,Ke pilima malie aka a lima o malōlō,
34 Kae ko tou mativa ka vau e pelā me se tino ‵fao mea,Kae ko tou mativa ka malosi e pelā me se tagata e isi ne ana meatau.+
Fakamatalaga mai lalo
^ Io me “fakatonutonuga ‵poto.”
^ Io me “manuia; fakaolataga.”
^ Io me “A togafiti a se tino valea.”
^ Io me “i taimi o fakalavelave.”
^ Io me “manakoga ‵tonu.”
^ Telā ko te fili.
^ Io me “fakaasi atu tou kaitaua.”
^ Telā ko Ieova mo te tupu.
^ Io me kāti, “A te tali atu i te auala tonu e fai pelā me sogi atu ki se tino.”
^ Io me “kāiga.”