Ia hiˈohia mai te poro i te pae apatoerau i te Sterling Forest Lake (parauhia te roto Ninamu). I mua ˈtu, te hamanihia ra te hoê tahua i raro i te fenua, o te fare nohoraa D ïa. I pihaiiho i te roto, e itehia te mau patu hamanihia e te tima o tei faaineinehia no te fare nohoraa C.

Te tamaumau ra te feia rave ohipa i te hoê fare pape parauhia te Pod, oia hoi, te vai ra te pou o te opani, te mau papai parauhia placoplâtre, te tamauraa tuio pape e te uira, e te haapuvaivairaa mataˈi e te hopuraa pape iho. E oti roa te fare pape i te tamaumauhia ia tuuhia te reira i roto i te fare tahua.

Tei te tahua i raro te ohipa a te feia tamaumau auri. I te roaraa o teie ohipa, e faaohipahia teie vahi ei vahi tamaaraa i na 500 taata tauturu, e i te tahi atu vahi o teie fare tahua e farii-faahou-hia 300 taata tauturu no te tamaa. I muri iho, ia oti anaˈe teie ohipa e tatarahia te vahi tamaaraa e e faaohipahia teie fare tahua no te atuatu i te mau pereoo.

Te hamani ra te hoê pǔpǔ i te hoê ravea no te haaparare i te repo fenua i nia i te ta fare matie, no te paruru i te fenua. E nehenehe ïa e faaiti mai i te ito hinaarohia ia iti mai te haereraa pape ûa e e ia titia atoa i te pape ino no roto mai i te ûa.

Ia amuihia te taatoaraa o na fare tahua e toru, e 42 000 metera tuea te mau tahua. I ô nei, te haapaari ra te feia ohipa i te mau pou auri.

Te faaohipa ra te feia rave ohipa i teie taoˈa parauhia brûleur à propane no te tapiri i te tapau i nia i te ta fare e na te mau taura taamuhia e paruru i te feia paiuma.

Te tamaumauhia ra te mau faahaereraa tuio o tei hamani-ê-na-hia e te mau tauihaa no te mau matini haamahanahanaraa, haapuvaivairaa, e faatoetoeraa. E 35 i nia i te hanere o te feia rave ohipa i te vahi paturaa i Warwick, e vahine Ite no Iehova te rahiraa.

Ua faaohipahia teie vahi mai te hoê vairaa tauihaa e e pu no te mau tauihaa o te faaineine-ê-na-hia o tei noaa mai i Fepuare 2014 no te paturaa. E 20 000 metera tuea teie vahi. I nia i teie hohoˈa te vai ra te mau tauihaa uouo i nia ˈtu, o te mau fare pape hamani-ê-na-hia o te ineine no te haponoraa.

Ia hiˈohia na mua ˈtu nei, mai te apatoerau hitia o te râ mai o tera vahi. E nehenehe teie fare nohoraa e farii e 200 feia rave ohipa o te tauturu ra i te pu rahi. Te rahiraa o te mau fare nohoraa, fatata 30 e 55 metera tuea te rahi o te mau tahua, te vai ra ïa te vahi tamaaraa, te fare pape e te hoê taupee nainai.

Te faaineineraa i te vahi paturaa. I nia ˈtu i te pae aui o te hohoˈa, te vai ra te matini o te faahuˈahuˈa ra i te ofai o te faaohipahia i muri aˈe no te paturaa. Ia oti te ohipa paturaa, 260 000 afata faito repo tei tatarahia mai te vahi paturaa i Warwick. Ia faitohia, 23 pereoo rahi faauta repo i faaohipahia i te mahana hoê i te vahi paturaa.

Te tanuraa matie i nia i te ta fare.

Ia hiˈohia na nia ˈˈe te fare tahua o te mau piha ohipa mai te hoê matini hivi i te pae apatoa tooa o te râ. I raro i te pae aui, o te fare tahua ïa o te vairaa pereoo no te feia mataitai tei oti. I te mahana taitahi, ua î noa teie vahi i te mau pereoo o te feia e haere mai e tauturu. Na nia i te pereoo, 12 hora no te tahi mau Ite no Iehova no te haere mai no te tauturu e toru aore ra e maha noa mahana i te vahi paturaa.

Te vahi tamaaraa no te hoê noa taime poto o te fatata ra i te oti. Te mau afata teata (aita râ i tamaumauhia ˈtura) e te mau haaparareraa reo ia nehenehe te feia rave ohipa e faaroo i te haamoriraa poipoi e te tahi mau porotarama pae varua i te Betela i Marite.

Te titohia ra te tima i raro i te tuhaa matamua o te tahua matamua. I te pae atau, te faaohipa ra te hoê taata rave ohipa i te hoê matini no te haaparahurahu i te tima ia ore te mataˈi e vai i roto i te tima, ia noaa mai te hoê tima o te haaparahurahu-maitai-hia e te etaeta.

I ropu i te fare tahua, te faahaereraa niuniu uira rarahi o te ineine i te tapoihia i roto i te tima i raro i te fenua.

Ua fatata te titoraa tima o te tuhaa matamua o te tahua matamua i te oti mai. E 540 afata faito tima, te faito rahi o te tima i titohia i te vahi paturaa i Warwick tae roa i tera taime. I muri iho, i te otiraa te faaineineraa o te tima i te vahi hamaniraa tima, e vau pereoo rarahi anoi tima parauhia camions-toupies e e piti pâmu tima: i roto noa e 5 hora e 30 minuti te titô-raa-hia tera tima i raro i te tuhaa matamua. I ropu i tera hohoˈa, te tia ra te tahi eˈa paiumaraa o te tahua fare.

Te hamanihia ra i te hoê paruru i nia i te tafare. I muri noa mai, te patuhia ra te tahua i raro i te fenua no te fare nohoraa A.

Te hivi-hia-ra te hoê fare pape parauhia te Pod i te toru o te tahua. No te paturaa i Warwick, ua haafaufaahia te mau tauihaa tei faaineine-ê-na-hia, no te faaiti mai te apǐapǐ o te vahi paturaa e ia vitiviti te ohipa paturaa.

Te tamaumau ra te feia rave ohipa no rapae i te hoê papai tima o te faaineine-ê-na-hia no te faaiti mai i te haamâuˈaraa o te ito. Ua peni-ê-na-hia te papai tima e aita e titauhia ia peni faahou e e mea iti atoa ïa te atuaturaa. E nehenehe ïa e tamaumau vitiviti i te reira no te haapao i te taime faataahia no te paturaa.

Na te poro o te pae apatoa tooa o te râ. I mua ˈtu, te faaineinehia ra te taoˈa parauhia coffrages no te tahua i nia ˈtu o te fare nohoraa D. I muri mai o te fare nohoraa C ïa te fatata i te oti.