I te 2 no Fepuare 2024, no te mataˈi puai roa e te veavea rahi, ua tupu e piti ati auahi i te tuhaa fenua Valparaíso i Tireni. Ua tutui te auahi hau atu 15 000 fare i roto i te oire no Viña del Mar e i te tahi atu mau vahi e haaati ra i te oire. Ia au i te tahi faahitiraa, ua hau atu 40 000 taata tei roohia i te ati auahi. Mea rahi tei ere noa ra i te uira e te pape. Mea fifi no te mau taata tupohe auahi, te mau tuati maˈi e te mau rima turu i te haere i te mau vahi tei roohia i te ati auahi. Te faaite ra te mau vea, mea rahi te mau taata tei pepe e ua hau atu i te 130 taata tei pohe.

• Te vahi peapea, ua pohe te hoê tuahine to tatou

• Ua pepe roa ino i te hoê taeae

• E 24 taeae e tuahine tei pepe rii

• Ua faarue 715 taeae e tuahine i to ratou vahi nohoraa

• E 72 fare ta te auahi i tutui roa ino

• E piti fare tei paapaa maitai

• Hoê fare tei paapaa rii noa

• Aita hoê aˈe Piha a te Basileia tei tutuihia e te auahi

• Fatata 4 700 taeae e tuahine te ora ra i te vahi tei roohia i te ati

• Ua haamauhia te hoê Tomite tauturu i tei ati no te faanaho i te mau tauturu

• Ua tono te amaa no Tireni i te tahi mau tia no te faaitoito i te mau taeae e te mau tuahine. Ua horoa te mau tiaau haaati e te mau matahiapo i te mau faaitoitoraa no roto mai i te Bibilia e ua tauturu atoa ratou i te pae materia i te feia tei ati

Ua papu ia tatou e te ite mai ra Iehova “te ati e te ahoaho” o te feia tei ati e te fatata ra oia i te haamou roa i te mau ati natura atoa.—Salamo 10:14.