E VAU mirioni litera mori arahu tei tahe i roto i te ooa o Mehiko i 2010 i te paainaraa te hoê tahua heruraa i roto i te miti. Tau avaˈe râ i muri aˈe, ua mâ te rahiraa o te viivii. Eaha tei tupu?

A hiˈo na: Ua faaite te mau maimiraa a te mau aivanaa e rave rau ravea ta te natura no te faaore i te mau tuhaa iino o te mori arahu. Ua faataa te aivanaa Terry Hazen e au ratou i te taoˈa o te maimi e te amu i te mori arahu. Ua haa rahi ratou i muri aˈe i tei tupu i te ooa o Mehiko mai tei faaitehia i te omuaraa.

Te parauhia ra i roto i te hoê faatiaraa a te BBC, “e ere atoa râ i te mea maere te vai ra te mau ravea amu mori arahu i roto i te moana. Te vai ra hoi tei tahe i rapae mai i te mau vahi haapueraa mori arahu i roto i te moana” ehia aˈenei matahiti.

Ua tia atoa i te taata ia ite i te ravea no te tamâ i te mori arahu i roto i te miti. E ere râ i te mea papu roa. E haafifi hoi ta ratou mau raau i te mau ravea e vai ra i roto i te natura no ratou tera toroa. E tuino atoa te reira i te mau maitai ta te mahana e ta te mǎhu o te vehî paruru o to tatou paraneta e faatupu i nia i te fenua. Hau atu â, mea atâta tera mau raau e e vai maoro atoa te viivii. Area te mau ravea i roto i te natura, mai te amu i te mori arahu, e tauturu te reira i te moana ia tamâ ia ˈna iho ma te ore râ e faatupu i te tahi atu fifi. a

Eaha to oe manaˈo? Mea tupu noa anei te ravea tamâ i te mori arahu i roto i te miti aore ra mea poietehia?