ЫРЫ 141
Чуртталга — кайгамчык белек
-
1. Чаштар каткызы, чаъстың дамдызы,
Чылыг хүннүң херели, айның чырыы —
Шупту чаяалга — Бургандан белек.
Ынакшылдыг Ачавыстың холу элбек.
КОЖУМАА
Иегова бистерге амы-тын берген.
Бурганга ынак болуп, хүннүң өөрүп чуртта.
Ону кижи боду чедип ап шыдавас,
Чуртталга — Бурганның кайгамчыктыг белээ.
-
2. Идегел чидип, хол салдынып боор,
Кым-бир кижи өлүксеп, муңгарап боор.
Амы-тынывыс — ыдыктыг белек,
Ынакшылдыг Ачавыска четтирдивис.
КОЖУМАА
Иегова бистерге амы-тын берген,
Улуска ынак болуп, хүннүң өөрүп чуртта.
Ону кижи боду чедип ап шыдавас,
Чуртталга — Бурганның кайгамчыктыг белээ.
(Көрүңер: Иов. 2:9; Ыд. ыр. 33:13; Эккл. 8:15; Мф. 22:37—40; Рим. 6:23.)
