Библиез эскерыкузы, Иеговалэн Адӟись-Ивортӥсьёсыз Библилэсь пӧртэм берыктэмъёссэ уже куто. Нош тужгес но бадӟым саклыксэс соос висъяло «Священной Гожтэмлы — Выль дуннелэн берыктэмезлы» (со соослэн кылынызы вань ке), малы ке шуоно со шонер но валамон берыктэмын, озьы ик отын Инмарлэн нимыз кутӥське.

• Инмарлэн нимыз. Библиез куд-ог поттӥсьёс тау уг каро сое, кинэ тау карыны кулэ. Кылсярысь, Библилэн одӥг берыктэмаз 70-лэсь но тросгес адямиослэн нимъёссы гожтэмын, кудъёсыз сое поттыны юрттӥзы. Нош со дыре ик та Библиын одӥг пол но гожтэмын ӧвӧл авторезлэн, Иегова Инмарлэн, нимыз.

  Нош «Выль дуннелэн берыктэмаз» Инмарлэн нимыз трос сюрс пол гожтэмын котькытын, кытын со нырысь ик гожтэмын вал, нош берыктӥсьёслэн нимъёссы гожтэмын ӧвӧл.

• Шонер. Со, мар нырысь ик Библиын гожтэмын вал, Библилэн трос берыктэмъёсаз шонер гожтэмын ӧвӧл. Кылсярысь, Библилэн одӥгаз берыктэмаз Матфейлэсь 7:13 таӵе кылъёс гожтэмын: «Ӟоскыт капкатӥ пырелэ, уго паськыт капка, эркын сюрес адэ нуо,— отӥ тросэз мыно». Нош нырысь ик Библиын «ад» кыл интые «бырон» кыл гожтэмын вал. Берыктӥсьёс «ад» кылэз гожтӥзы, малы ке шуоно оскизы, вылды, урод адямиос пырак дауръёс ӵоже адын ӝуась тыл пушкын курадӟозы шуыса. Но та дышетон Библилы пумит мынэ. «Выль дуннелэн берыктэмаз» та кылбур шонер гожтэмын: «Ӟоскыт капкатӥ пырелэ, уго паськыт капка, эркын сюрес быронэ нуо,— отӥ тросэз мыно».

• Валамон. Умой берыктэм шонер гинэ луыны кулэ ӧвӧл, озьы ик со валамон но луыны кулэ. Кылсярысь, Римъёслы 12:11 апостол Павел кутэ кылъёсты, кудъёсыз «духен пӧзьыны» шуэмез возьмато. Туэ адямиос та кылъёсты уз валалэ, дыр. Соин ик «Выль дуннелэн берыктэмаз» та кылъёс валамонгес берыктэмын: «Духеныды ӝуатске».

«Выль дуннелэн берыктэмез» шонер, валамон луэ, озьы ик отын Инмарлэн нимыз кутӥське. Со сяна, солэн вань на эшшо одӥг пӧртэмлыкез — сое дунтэк басьтыны луэ. Солы луыса трос миллион адямиос Библиез анай кылынызы лыдӟыны быгато, озьы ик соос но, кинъёс Библиез коньдонэн басьтыны уг быгато.