JW LIBRARY
مطبوعات کو پڑھنے کے لیے اپنی سہولت کے مطابق سیٹنگ کریں—اینڈروئیڈ
JW Library میں مختلف آپشنز دیے گئے ہیں تاکہ آپ مطبوعات کو آسانی سے پڑھ سکیں۔ جب آپ کوئی باب یا مضمون پڑھ رہے ہوتے ہیں تو یہ آپشنز اُوپر دائیں طرف نظر آتے ہیں۔
اگر آپ کچھ اَور آپشنز دیکھنا چاہتے ہیں تو مزید آپشنز کے نشان کو ٹچ کریں۔
اگر آپ مطبوعات کو پڑھنے کے لیے اپنی سہولت کے مطابق سیٹنگ کرنا چاہتے ہیں تو اِن ہدایات پر عمل کریں:
مطبوعات کو کسی اَور زبان میں کھولیں
آپ اُس مضمون یا باب کو کسی اَور زبان میں بھی کھول سکتے ہیں جسے آپ پڑھ رہے ہیں۔
یہ دیکھنے کے لیے کہ یہ مضمون یا باب کن کن زبانوں میں دستیاب ہے، زبان کے اِنتخاب کے نشان کو ٹچ کریں۔ جن زبانوں میں آپ مطبوعات کو اکثر کھولتے ہیں، وہ فہرست میں سب سے اُوپر ہوں گی۔ اِس فہرست میں آپ کو مینارِنگہبانی کے آسان ایڈیشن بھی نظر آئیں گے۔ اِس فہرست میں کسی زبان کو تلاش کرنے کے لیے آپ زبان کا نام بھی لکھ سکتے ہیں۔
جن زبانوں میں آپ نے اُس کتاب یا رسالے کو ڈاؤنلوڈ نہیں کِیا جو آپ پڑھ رہے ہیں، اُن کے ساتھ بادل کا نشان نظر آئے گا۔ اُس زبان کو ٹچ کریں جس میں آپ اِس کتاب یا رسالے کو ڈاؤنلوڈ کرنا چاہتے ہیں۔ جب یہ کتاب یا رسالہ ڈاؤنلوڈ ہو جائے گا تو بادل کا نشان چلا جائے گا۔ کتاب یا رسالے کو پڑھنے کے لیے زبان کو دوبارہ ٹچ کریں۔
لکھائی کو چھوٹا بڑا کریں
آپ مضمون یا باب کی لکھائی کو چھوٹا بڑا بھی کر سکتے ہیں۔
مزید آپشنز میں Text Settings کو ٹچ کریں اور پھر اپنی سہولت کے مطابق لکھائی کو چھوٹا یا بڑا کریں۔ آپ لکھائی کا جو سائز سیٹ کریں گے، ایپ میں موجود ساری مطبوعات اُسی سائز میں نظر آئیں گی۔
مطبوعات کو اِمیج فارمیٹ یا ٹیکسٹ فارمیٹ میں دیکھیں
کچھ مطبوعات اِمیج فارمیٹ یا ٹیکسٹ فارمیٹ میں دستیاب ہیں۔ اپنی سہولت کے مطابق فارمیٹ کا اِنتخاب کریں۔
اِمیج فارمیٹ: اِس فارمیٹ میں مطبوعات ہوبہو ویسی دِکھائی دیتی ہیں جیسی وہ چھپی ہوئی ہیں۔ کچھ مطبوعات کے لیے لوگ اِس فارمیٹ کو پسند کرتے ہیں جیسے کہ گیتوں کی کتاب کے لیے جس میں موسیقی کے نوٹس دیے گئے ہیں۔
ٹیکسٹ فارمیٹ: اِس فارمیٹ میں بائبل کی آیتوں کے حوالے لنکس کی شکل میں نظر آتے ہیں۔ اِن لنکس کو ٹچ کر کے آپ آیتوں کو دیکھ سکتے ہیں۔
... Open in
JW Library ایپ میں موجود مواد کو دوسری ایپس میں کھولنے کے لیے آپشن ... Open in کو ٹچ کریں۔
... Open in کو ٹچ کر کے دیکھیں کہ آپ مواد کو اَور کہاں کہاں کھول سکتے ہیں۔ مثال کے طور پر آپ Open in Online Library کو ٹچ کر کے اُس صفحے کو یہوواہ کے گواہوں کی آنلائن لائبریری میں کھول سکتے ہیں جسے آپ پڑھ رہے ہیں۔
آیتوں کو بائبل کے مختلف ترجموں میں کھولیں
جب آپ بائبل کے حوالوں کے لنکس کو ٹچ کریں گے تو یہ حوالے کُھل جائیں گے۔ آیتوں کے نیچے آپ کو بٹن Customize نظر آئے گا جس کو ٹچ کرنے سے آپ بائبل کے اُن ترجموں میں آیتوں کو کھول سکتے ہیں جو آپ نے ڈاؤنلوڈ کیے ہوئے ہیں۔
اگر آپ اِن ترجموں کو فہرست میں شامل کرنا یا اِس سے نکالنا چاہتے ہیں تو + یا - کے نشان کو ٹچ کریں۔ فہرست میں ترجموں کی ترتیب بدلنے کے لیے کسی ترجمے کو ٹچ کر کے اُنگلی اُٹھائے بغیر وہاں لے جائیں جہاں آپ اِسے رکھنا چاہتے ہیں۔
یہ جاننے کے لیے کہ آپ JW Library میں بائبل کے مزید ترجمے کیسے ڈاؤن لوڈ کر سکتے ہیں، مضمون”بائبل کے ترجموں کو ڈاؤنلوڈ کریں اور ترتیب دیں—اینڈروئیڈ“کو دیکھیں۔
یہ فیچرز JW Library کے 4.1 ورژن میں دستیاب ہیں جسے فروری 2015ء میں ریلیز کِیا گیا تھا۔ JW Library کا یہ ورژن اینڈروئیڈ کے 3.2 یا اِس سے نئے ورژن والے فون اور ٹیبلٹ پر چلتا ہے۔ اگر آپ کو یہ فیچرز نظر نہیں آ رہے تو مضمون”JW Libraryکو اِستعمال کریں—اینڈروئیڈ“ کے تحت حصہ ”نئے فیچرز کو اِستعمال کریں“ کو دیکھیں۔
