LESSION 8
Parché che ghen’è tanto sofrimento?
1. Come che el sofrimento el ga scominsià?
L’è evidente che i governi umani no i pol risolver i nostri problemi
Sàtana el Diaol l’era un àngelo perfeto. Lu el savea che sol Dio el gavea de esser adorà. Ma Sàtana el ga scominsià a pensar che anca lu el gavea de esser adorà. Alora, lu el ga dito una busia a Eva. Par quela, la Bìblia la dise che lu “no’l se ga mantegnesto ntela verità”. (João 8:44) Eva la ga fato quel che el Diaol el volea e la ga desobedio a Geovà. Dopo anca Adon el ga desobedio a Dio. Cossita ga scominsià el sofrimento e la morte. — Ledi Gênesis 3:1-6, 19.
Sàtana l’è restà contra el governo de Dio. Lu el volea che anca i altri i fesse la medèsima cosa. Se pol veder questo quando el ga inganà Eva. Ancoi, la pi granda parte dele persone no la aceta el governo de Dio. Lore le ze dela banda de Sàtana. Par quela che lu el se ga tornà “el governante del mondo”. — Ledi João 14:30; 1 João 5:19.
2. Sarà che la colpa la ze de Dio?
Nò. Tuto quel che Geovà el fà l’è perfeto. I umani e i àngeli i podea obedir a Geovà se i volesse. (Deuteronômio 32:4, 5) Dio el ga dato a noantri la libertà de scòlier far quel che l’è giusto o quel che l’è sbalià. Se amemo a Dio, faremo quel che l’è giusto. — Ledi Tiago 1:13-15; 1 João 5:3.
3. Parché che Dio no’l ga gnancora finio col sofrimento?
Le persone che le stà dela banda de Sàtana le cata che no le ga de bisogno de Dio par viver ben. Dio l’è drio darghe una oportunità par provar questo. Quanto de pi passa el tempo, tanto de pi resta evidente che sol el governo de Dio el pol dar la felicità ale persone. (Eclesiastes 7:29; 8:9) Gnanca un governo umano l’è stà bon de finir cola guera, el crime, la ingiustìssia e le malatie. — Ledi Jeremias 10:23; Romanos 9:17.
Diferente dei governi umani, el governo de Dio el tende de quei che i stà dela so banda. (Isaías 48:17, 18) Presto, Geovà el finirà con tuti i governi. Sol le persone che le aceta el governo de Dio le viverà ntela Tera. — Isaías 11:9. — Ledi Daniel 2:44.
Varda el vídeo Parché che ghen’è tanto sofrimento?
4. Cossa che podemo far adesso?
Podemo mostrar se volemo el governo de Dio o el governo umano. La nostra maniera de viver la mostra de che banda stemo. Sàtana el ga dito che nissuni serve a Dio par amor. Ma podemo mostrar che lu l’è sbalià. — Ledi Jó 1:8-12; Provérbios 27:11.
5. Come che podemo scòlier a Dio come nostro Governante?
Le nostre dessision le mostra se volemo star dela banda de Dio
Podemo scòlier a Dio come nostro Governante studiando la Bìblia e fando le cose dela maniera che Lu el vol. (João 4:23) Compagno Gesù, no se metemo ntela polìtica gnanca ntele guere. Questo el mostra che stemo dela banda de Dio, nò de Sàtana. — Ledi João 17:14.
Sàtana el fà de tuto par convinser le persone che le cose sbaliade le ze normai. Quando assemo de far queste cose, arquanti amighi o parenti fursi no i ghe piase e i proa desanimar noantri. (1 Pedro 4:3, 4) Ndaremo far quel che le persone le vol o quel che Dio el vol? Sàtana el ga dito che le persone le obediria a Dio sol quando fusse fàcile. Ma le legi de Dio le ze par el nostro ben. Quando obedimo ale legi de Dio, mostremo che Sàtana l’è un busier. — Ledi 1 Coríntios 6:9, 10; 15:33.
Dio el ama le persone. Par quela, podemo esser sicuri che Lu el finirà col sofrimento. Quei che i crede in queste cose e obedisse a Dio i viverà par sempre ntela Tera. — Ledi João 3:16.
