Ghen’è Dio o nò?
La risposta dela Bìblia
Sì, ghen’è un Dio. La Bìblia la ga prove che ne assa ciaro che ghen’è un Dio. La Bìblia la ne incoraia a far pi forte la nostra fede in Dio, a pensar sora e doperar el sarvel, e no sol a creder in quel che le religion le insegna. (Romani 12:1; 1 Gioani 5:20, nota) Varda qua soto cossa che la Bìblia la spiega:
El Universo l’è organisà, par quela ghen’è vita. Questo ne fà capir che ghen’è un Creador. La Bìblia la dise: “Infati, cada casa la ze fata su par un costrutor, ma l’è Dio quel che ga fato tute le robe.” (Ebrei 3:4) Pol esser che par sémplisse pensar cossita, ma anca tanti studiosi i ze de acordo con questo. a
Noantri ghemo bisogno de capir el ogetivo dela vita e parché che semo qua. Par viver ghemo bisogno de tante cose par el nostro corpo. Ancora cossita, manca qualcossa. La Bìblia la ciama questo de “nessessità spiritual”, o sia, la voia de cognosser e adorar a Dio. (Mateo 5:3; Apocalisse 4:11) Questa voia la ne assa ciaro che ghen’è Dio, che lu l’è amoroso e, par quela, lu el vol che lo cognossemo e lo adoremo. — Mateo 4:4.
Nela Bìblia, ghen’è professie che le ze state scrite con tanti detali. Anca se le ze state scrite tanti ani vanti de suceder, le ga sucedesto pròpio cossita. E par quela, capimo che le persone mai le saria bone de scriver queste professie sensa el aiuto de qualchedun pi poderoso. — 2 Piero 1:21.
I scritori dela Bìblia i savea de tante robe che le altre persone del so tempo no le capia mia. Par esémpio, nel passà tanti i credea che una bèstia, come un elefante o un boi, la tegnea su la Tera. Ma la Bìblia la dise che Dio el tien la tera “sora el gnente”. (Giò 26:7) Anca, la Bìblia la ze giusta quando la dise che la Tera la ze “tonda”. (Isaia 40:22) Tanti i crede che i scritori dela Bìblia sol i ze stati boni de capir questo parché Dio ghe ga fato saver queste robe.
Sol la Bìblia la risponde a arquante domande importante. Quando le persone no le ga risposte a queste domande, fursi le pensa che no ghen’è Dio. Par esémpio, se Dio l’è amoroso e el ga poder, parché che ghen’è tante brute robe e sofrimento? Parché che le religion le causa problemi invesse de giutar? — Tito 1:16.
a Par esémpio, Allan Sandage, un omo che el stùdia i pianeti e le stele, el ga dito sora el Universo: “Par mi l’è fadiga creder che un Universo tanto organisà l’è vegnesto de una confusion. Bisogna gaver una lege par organisar tuto questo. Par mi, Dio l’è un mistero. Ma lu l’è la ùnica risposta par la vita, che l’è un miràcolo. E anca l’è la risposta de parché ghen’è qualcossa, senò no ghen saria gnente.”
Te piaserà de veder anca questo
CHI SEMO
Domanda una vìsita
Cata la risposta dele to domande nela Bìblia e cognossi de pi sora le Testimònie de Geovà.