Damu nga tawo an naniniguro pagtrabaho kada adlaw basi la magkaada han ira mga panginahanglan. Makasurubo, an duro nga kasamok ha kalibotan mas nagpapakuri pa hito. Kay ano?

• Ha mga lugar nga masamok hinduro, nagmamahal an mga paraliton—upod na an pagkaon ngan urukyan.

• Tungod han trahedya, damu an nawawad-an hin trabaho o naghahamubo an sweldo.

• Tungod han kalamidad, mahimo madaot o mawara an mga negosyo, balay, o iba pa nga panag-iya han mga tawo salit damu an nagigin pobre.

• Kon ginagamit mo hin maaramon an imo kwarta, magigin mas andam ka kon may trahedya.

• Hinumdumi nga an imo kità, tirok, ngan iba pa nga panag-iya mahimo maghamubo an bili.

• May mga butang nga diri mapapalit han kwarta, sugad han kalipay ngan pagkaurosa han pamilya.

An Biblia nasiring: “Kon may-ada kita pagkaon ngan bado, magin kontento kita hini nga mga butang.”—1 Timoteo 6:8.

Kon kontento kita, malipayon kita kon may-ada kita han aton adlaw-adlaw nga panginahanglan. Importante ini labi na kon makuri an aton pakabuhi.

Basi magin kontento, bangin kinahanglan mo pasimplihon an imo kinabuhi. Kon magasto ka labaw han imo kità, magtitikakuri la an imo kahimtang.