MEYI 15, 2023
Rwanda
Imvula Yenze Kwakho Izikhukula Kwadilika Nomhlaba ENtshona Rwanda
Iimvula ezinamandla nge-2 nange-3 kaMeyi 2023, zenze kwakho izikhukula kwadilika nomhlaba eNtshona Rwanda. Ngenxa yaloo nto, kuye kwasweleka abantu abangaphezu kwabayi-130 ibe abaninzi kakhulu kuye kwafuneka bashiye amakhaya abo. Ezi zikhukula zimoshe izityalo, amakhaya, iibhulorho, neendlela.
Izinto Ezenzeke Kubazalwana Noodade
Akukho nomnye umzalwana okanye udade oye wonzakala okanye wasweleka
Kuye kwadilika amakhaya ayi-51
Amakhaya ayi-43 amoshakele kakhulu
IiHolo ZoBukumkani ezimbini zimoshakele kancinci
Indlela Abancedwe Ngayo
Kuye kwamiselwa iiKomiti Zokunceda eziyi-3 ukuze zilungiselele indlela abaza kuncedwa ngayo ngezinto abazidingayo abo behlelwe yintlekele
Abazalwana abakwiKomiti Yesebe, abaveleli besiphaluka, nabadala basekuhlaleni bakhuthaza abantu bakwezi ndawo zehlelwe yintlekele besebenzisa iBhayibhile
Sithandazela ukuba uYehova aqhubeke ebaxhasa abazalwana noodade wethu baseRwanda ‘abasentlungwini.’—INdumiso 46:1.