“Nlaleye ihapari dhooreera!”
Konkeresu a Anamoona Yehova a 2024
Ovolowa mahala • Khonsokhiwa-wo nsurukhu
Ipontu Dhin’ya Othokoreriwa
Neethanu: Moone etthu enoonihera wiira ihapari dhooreera voohima dha Yesu dhinlottiwa ni ivanxelyo ti dheekhweeli. Nhudhe moopora ihapari idho dha evanxelyo dhin’ya awa onikhalihera olelo.
Saabadu: Eseeni iprofesiya dhaalotta awa voohima dha oyariwa ni ekumi ya Yesu? Niire iprofesiya idho dhihaakhwanela veekhweeli?
Dominku: Mwaha onkhuma mBiibiliyani oni: “Seeni Nihinreerela nhu Woova Ihapari Dhootakhala Dhinkhumelela?” onawoonihera wiira hata makhalelo a nlaponi etepaka otakhala, arumeyi a Muluku toopharereleya ni aakhalana nrooromelo noolipa.
Edarama Enkhuma Mbiibiliyani
Ekumi ni Nteko Woolaleerya wa Yesu ari Valaponi: Epaarti 1
Nthuko Weekhweeli wa Moolumwinkuni
Etthu yoohakalaliha yoopacera yaakhumelele mweekumini mwa Yesu waari oyariwa-we mwa miiriirya. Mwene mmodha ootakhala aahimwaadhya Yesu arikin’yariwaru wiira amwiiphe, masi elo khiyaairanen’ye okhala wiira aahitthawiheriwa Weexitu. Okathi aannuwa iye, anamahudhiha Nlamulo awaatta yaanixankiheya mwaha wa odhuwela owo aariyena. Moone dhawiraneya idho ni miyaha dhikina okathi dhin’ya awa wooniheriwa iviidiyu piili dhoopacera Neethanu ni Saabadu.
Moone iviidiyu idha dha Konkeresu a mwaakha ola dhinttharelana.
Eseeni Eniiraneya Okonkeresuni Wihu?
Moone itthu mun’ya nnyu ohudha okonkeresuni wa Anamoona a Yehova.
Konkeresu a Anamoona a Yehova a 2024: ‘Nlaleye Ihapari Dhooreera!’
Itthu vakhaani dhin’ya othokoreriwa ni eprokaraama ya konkeresu.
Mphantta Nkhaani wa Edarama Enkhuma mBiibiliyani: “Ekumi ni Nteko Woolaleerya wa Yesu ari Valaponi”
Atthu awaatta olelo anidhuwela wiira Yesu aayariwe mwa Miirirya. Masi yawiiraneya ela yootikiniha yaaweryanen’ye mooporani? Ni eseeni yaakhumelenle nhoolo-mwa?