ჩხორო იეჰოვაშ მოწმეს სიმარდულიშ სიგელი გინოჩეს, მუშენდა მანგარო მეხვარეს ავსტრალიაშ ართ-ართ არძაშ უდიდაშ იმიგრანტეფიშ ჭოფუაშ დაწესებულებას რენან თინეფს. მოწმეეფს ჯონ კერტინიშ იმიგრანტეფიშ ჭოფუაშ დაწესებულებაშ სახელით სიგელი გინოჩეს, ნამუთ ქალაქ დებრიშ (დასავლეთ ავსტრალია) გოხოლუას რე. *

იეჰოვაშ მოწმეეფი ირ მარას იძირუანა თი ხალხის, მით იმიგრანტეფიშ ჭოფუაშ დაწესებულებას რენა დო ბიბლიას მოჩამილ სახიოლო ამბეშ რაგადით გურშა ელუკინანა. ოფიცერ კრისტოფერ რიდოკი, ნამუთ რელიგიაშ დო კულტურაშ ცენტრის მუშენს, იჩიებუ: „ირკოჩშო არგამა რე, მუ მოჸუნს თინეფიშ მეკითხირს“. მუჭოთ თე კოჩი იჩიებუ, მოწმეეფიშ ძირაფაშ უკულ ჭოფილეფი ჯგირ ხასიათშა მოულა დო უმოს ბედნერეფ რენა, მუშენდა ორწყენა, ნამდა „რენა თიცალ კათა, მისით მთელ გურით ოინტერეს თინეფიშ ჯგირობუა“.

მისტერ რიდოკი თის ხოლო იჩიებუ, ნამდა თე სიგელით ოკონა, სიმარდულ გეგმოხანტან თი ირფელიშ გურშენ, მუსით მოწმეეფი ორთნა „თე დაწესებულებას რენან თინეფიშ გურიშ ეიოკინალო“. თიქ თინა ხოლო თქუ, ნამდა მოწმეეფი „სამაგალითო ხალხი რენა, მუშენდა ონჯღორეს ვაძირანა მუნეფიშ ოჯახეფს, კრებას დო რელიგიას“.