Ana mpaka ajanje uli?

• Elo

• Iyayi

• Komboleka

Yajikusasala Baibulo

“Atule [pa Mlungu] yayikwalagasya nganisyo, pakuŵa jwalakwe akusiŵaganicisyaga.” (1 Petulo 5:7) Baibulo jikusatusimicisya kuti Mlungu mpaka ŵakamucisye palagasice nganisyo.

Ana cine capi campaka tulijiganye m’Baibulo?

• Kupopela mpaka kwakamucisye kupata “mtendele wa Mlungu” wampaka watamice mtima pasi.—Afilipi 4:6, 7.

• Nambosoni, kuŵalanga Baibulo mpaka kwakamucisye kupilila yayikwalagasya nganisyo.—Matayo 11:28-30.

Ŵane akusakulupilila . . . kuti kulagasika nganisyo kuli mbali ja umi. Nambo ŵane akusati kulagasika nganisyo kucimala mu umi wine panyuma pa ciwa cawo. Ana wawojo akuganisya yamtuli panganiji?

Yajikusasala Baibulo

Mlungu cacityosya yosope yakutandisya kulaga nganisyo. “Ciwa ngasicipagwasoni. Ngasipapagwasoni kulila, kuwuwula kapena kupikana kupweteka.”—Ciunukuko 21:4.

Ana cine capi campaka tulijiganye m’Baibulo?

• Ucimwene wa Mlungu pawucilamulilaga cilambo capasi, ŵandu caciŵa pamtendele.—Yesaya 32:18.

• Yakulagasya nganisyo yosope ngasituyikumbucilasoni.—Yesaya 65:17.