ROGON NI NGE TAL E FANENIKAN

1 | Nge Taareb Rogon e Girdi’ u Wan’um

PLAY

Be Gaar e Bible:

“Gubin e girdi’ ma taareb rogorad u wan’ Got. En ni ba’ madgun Got u wan’ ma be rin’ e tin nib mat’aw e ra i par nib fel’ u wan’ Got ndemturug ko be’ u kun nam.”—ACTS 10:34, 35.

N’en Be Yip’ Fan:

Jehovah * Got e der ma turguy rarogodad u wan’ ni be yan u rogon e re nam ni kad bad riy, ara ramaen dowdad, ara yalen rodad. Ya ma yaliy e n’en bay u lanin’dad nge gum’ircha’dad. Ku be yog e Bible ni ‘girdi’ e yad ma guy be’ u wuru’ i downgin, mi ir e ma guy e lem ko girdi’.’—1 Samuel 16:7.

N’en Nrayog ni Ngam Rin’:

Yugu aram rogon ndabiyog ni ngad nanged e n’en bay u gum’irchaen e girdi’, machane rayog ni ngad guyed rogon ni ngad folwokgad rok Got me taareb rogon e girdi’ u wan’dad. Mu guy rogon ni ngaum lemnag e girdi’ ni be’ nge be’ ko bin ngaum lemnagrad ni yad ba ulung. Faanra ga be guy ni bay boch e girdi’ ndabum daken nsana bod e girdi’ nib thil e nam rorad ara ramaen dowrad, mag meybil ngak Got ni nge ayuwegem ni ngam tal ndab kum lem ni aram rogon. (Psalm 139:23, 24) Faan ga ra yog ngak Jehovah ni nge ayuwegem ni nge taareb rogon e girdi’ u wan’um, ma rayog ni nge pagan’um ngay nra motoyil ko meybil rom me ayuwegem.—1 Peter 3:12.

^ par. 6 Jehovah e aram fithingan Got. (Psalm 83:18) Be yog e foreword ko fare Bible ni Thothup ni “fithingan Got ni Hebrew e Yahweh (YHWH) ni kan piliyeg ni SOMOL ko thin ni waab.”

“Dariy ba ngiyal’ ni kug sabolgow be’ nib wechwech dow u fithik’ e gapas, machane chiney e . . . kug mang bang u ba ulung i walag ni yad ba garer u ga’ngin yang e fayleng.”—TITUS

Murung’agen Be’—TITUS

e Yag ni Nge Tal Ndab Ki Fanenikay e Girdi’

Titus e ir be’ nri damumuw ni bochan boch e motochiyel nde mat’aw ni kan ngongliy ni fan ko girdi’ nib thil ramaen dowrad. Ere yan i un nga barba’ i girdi’ ni yad ba ta cham ni ku aram rogon e lem rorad. I gaar: “Bayi n’en ma gamad yan ko yungi n’en ndabiyog ni nge yan e pumoon ngay ni yad ba talumor ni bod e hotel nge tagil’ e unum ni gamad be magow cham.” I yog Titus ni gubin ngiyal’ ni ma par nib sug ko fanenikan, ma ireray e n’en ma k’aring ni nga i par nib damumuw. Ki gaar: “Faanra kug luagew be’ e thin ndemtrug ko be’ nib pumoon ara be’ nib pin, ma gubin ngiyal’ ni gag e som’on nug ma cham.”

I tabab Titus ni nge thil u nap’an nra tababgad e Pi Mich Rok Jehovah ko fol Bible. Nap’an ni beeg e Bible, ma aram me thil rogon e lem ni ma tay. Ri taw nga gum’irchaen fapi thin ni be micheg e Bible nra boch nga m’on ma “dab ku unim’, ma dab ki i kireban’uy, ma dab ku un yor, ma dab ku un amith.”—Revelation 21:3, 4.

Som’on e ba mo’maw’ ngak ni nge tal ndab ki fanenikay e girdi’. I gaar, “Rib mo’maw’ ni nggu thilyeg rogon e lem nge ngongol rog.” Machane i ayuweg e n’en ni fil ko Acts 10:34, 35 ni be yog ni gubin e girdi’ ni taareb rogorad u wan’ Got.

Mang angin ni yib ngak? I weliy ni gaar: “Nap’an nug guy e t’ufeg ni bay u thilin e Pi Mich Rok Jehovah ni yugu aram rogon nib thilthil e nam rorad ara ramaen dowrad, me mich u wan’ug ni aram e baan riyul’ e teliw. U m’on nug un ko taufe nggu mang reb e Pi Mich, ma bay be’ u lan e ulung nib wechwech dow ni piningeg nga tafen ko abich. Gu ra lemnag e n’en ni rin’ ma gowa gu be lik’ay. Ya dariy ba ngiyal’ ni kug sabolgow be’ nib wechwech dow u fithik’ e gapas, machane chiney e gamow be abich be’ nib wechwech u tafen. Ma kug mang bang u ba ulung i walag ni yad ba garer u ga’ngin yang e fayleng.”

Pi Mich Rok Jehovah

1 | Nge Taareb Rogon e Girdi’ u Wan’um

Be Gaar e Bible:

N’en Be Yip’ Fan:

N’en Nrayog ni Ngam Rin’:

You May Also Like

Jehovah e ‘Taareb Rogon e Girdi’ u Wan’’

Rogon ni Nge Tal e Fanenikan—Nge Taareb Rogon e Girdi’ u Wan’um

OPTION U ROGON NI NGAN DOWNLOAD

Rogon ni Ngan Gel ko Fanenikan

Rogon ni Ngan Gel ko Fanenikan

Be Gaar e Bible:

N’en Be Yip’ Fan:

N’en Nrayog ni Ngam Rin’:

You May Also Like

OPTION U ROGON NI NGAN DOWNLOAD

Mmel'eg e Thin Rom

Mu Sharenag