15 TIʼ MARZO TIʼ 2022
COREA DEL SUR
Ku yelel u kʼáaxil kaʼapʼéel kaajoʼob tu luʼumil Corea del Sur
Desde tu kʼiinil 4 tiʼ marzo tiʼ 2022, káaj u yelel u kʼáaxiloʼob Corea del Sur, tsʼoʼok u yelel kex 23.993 hectáreas (59.288 acres). Yoʼolal lelaʼ yaʼabkach máakoʼob tsʼoʼok u pʼatik u yotochoʼob. Ku tuklaʼaleʼ lelaʼ letiʼe maas nojoch loob tsʼoʼok u yúuchul tu luʼumil Corea del Suroʼ.
Bix afectartaʼab le sukuʼunoʼoboʼ
44 sukuʼunoʼob tsʼoʼok u pʼatik u yotochoʼob.
1 naj jach eeli.
Bix áantaʼabik le sukuʼunoʼoboʼ
Le sukuʼunoʼoboʼ tu kʼubéentubaʼob tu yotoch u láakʼtsiloʼob wa yiknal jujuntúul sukuʼunoʼob.
Beetaʼab junpʼéel Comité de Socorro utiaʼal u yáantaʼal le sukuʼunoʼoboʼ.
Kex táan u yáantaʼal le sukuʼunoʼoboʼ táan xan u yilaʼal u beetaʼal le baʼax ku yaʼalik le gobierno yoʼolal le COVID-19.
K-kʼáatik tiʼ Jéeoba ka u bendecirt le sukuʼunoʼob ikil u yeʼeskoʼob yaabilaj tiʼ le sukuʼunoʼob táan u muʼyajoʼoboʼ (Proverbios 17:17).