KʼAAY 20
Ta kʼubaj a kiʼichkelem Paal
-
1. In Yuumtsil, Jéeoba Dios,
minaʼan máax jeʼex techoʼ.
Ta túuxtaj a Paaloʼ,
ta kʼubu kuxtal.
Le oʼolaleʼ, Jéeoba,
ta kʼab yaan in kuxtal.
Yaan in wilik in tʼaan
tiʼe baʼax ta beetajaʼ.
(CORO)
Kex a sen yaabiltmeʼ
ta túuxtajtoʼon a Paal.
Mantatsʼ ken k-tsʼáatech gracias.
Nojoch a yaabilaj, Jéeoba.
-
2. Jéeoba Dios, ka weʼesik
bukaʼaj a yaabiltmen.
Mantatsʼ táan a wáantken,
maʼ ta xúumpʼatken.
Kex maʼ tin náajmatkeʼ
ka chaʼik in náatsʼal tech.
Ta chaʼaj u kíimla Paal
tiaʼal in kuxtal mantatsʼ.
(CORO)
Kex a sen yaabiltmeʼ
ta túuxtajtoʼon a Paal.
Mantatsʼ ken k-tsʼáatech gracias.
Nojoch a yaabilaj, Jéeoba.
(U TSʼOʼOKBAL)
Jéeoba Dios, ta tsʼáajtoʼon le máax a yaabiltmoʼ,
le oʼolal jach k-tsʼáaiktech gracias yoʼola siibaloʼ.
(Ilaʼak xan Juan 3:16; 15:13.)