YAAN MÁAX AʼALIKEʼ wíinik beet le religionoʼ. Yaan xan máax aʼalikeʼ le religionoʼ junpʼéel baʼal ku meyaj tiʼ Dios utiaʼal u natsʼkoʼon tu yiknal. Techeʼ ¿baʼax ka tuklik?

BAʼAX KU YAʼALIK LE BIBLIAOʼ

Yaan junpʼéel «adoración [wa religión] limpio yéetel maʼ éekʼ tu táan u yich k-Dios[iʼ]» (Santiago 1:27). Jeʼex k-ilkoʼ tiʼ Dios u taal le jaajil religionoʼ.

BAʼAX ULÁAKʼ KU YAʼALIK LE BIBLIAOʼ

• Utiaʼal ka kʼaʼamak junpʼéel religión tumen Dioseʼ, unaj u kaʼansik u jaajil jeʼex yanil teʼ Bibliaoʼ (Juan 4:23, 24).

• Le religionoʼob kaʼansik baʼaloʼob chéen tiʼ wíinik u taaloʼ mix baʼal u biilaloʼob (Marcos 7:7, 8).

TECHEʼ ¿BAʼAX JEʼEL A WAʼALIKEʼ?

• Unaj

• Maʼ

• Según bixi

BAʼAX KU YAʼALIK LE BIBLIAOʼ

«Koʼoneʼex kaxtik xan bix jeʼel k-paklan áantikbaʼex utiaʼal ka yanak yaabilaj t-baatsil bey xan utiaʼal k-beetik baʼaloʼob maʼalobtak. Tsʼoʼoleʼ maʼ unaj u pʼáatal maʼ k-muchʼikbaʼex[iʼ].» (Hebreoʼob 10:24, 25.) Dioseʼ u kʼáat ka u muchʼuba máaxoʼob meyajtik.

BAʼAX ULÁAKʼ KU YAʼALIK LE BIBLIAOʼ

• Máaxoʼob adorartik Dioseʼ unaj u yantaltiʼob junpʼéeliliʼ creencia (1 Corintoiloʼob 1:10, 11).

• Máaxoʼob yanoʼob ichil le religión kʼamaʼan tumen Diosoʼ beyoʼob junpʼéel familiaeʼ (1 Pedro 2:17).