CA GUENDANAGANA NUU LU GUIDXILAYÚ
1 | Biʼniʼ stipa chuʼluʼ nazaaca
¿XIÑEE RISACA NI?
Ora napa binni guendanagana jma nagueenda raca huará.
-
Ora guizaaca xiixa cosa malu, guizáʼ raca estresar binni ne jma nagueenda raca huará.
-
Nuu biaje qué randa runi tender ca doctor guiráʼ binni ni huará ne gastiʼ medicina para guiracaʼ.
-
Nuu tiru qué gapa binni bueltu dede nin para siʼ ca cosa ni jma caquiiñeʼ casi guendaró ne medicina.
¿Ñee nannuʼ ni la?
-
Ora napa ti binni xiixa guendahuará malu ne napa stale estrés zándaca qué zacaa decisión jneza ne qué zapa laa para chuʼ nazaaca. Lugar de guianda binni riʼ la? laga jma raca huará.
-
Pa qué guni tenderluʼ ti guendahuará nápaluʼ zándaca ra tidiʼ tiempu zaca xirooni ne dede zándaca guutini lii.
-
Pa nuuluʼ nazaaca la? zacaaluʼ decisión jneza ora guidxaagaluluʼ xiixa guendanagana.
-
Pa nápaluʼ o qué gápaluʼ bueltu, nuu cosa ni zanda gúniluʼ para gápaluʼ lii ti chuʼluʼ nazaaca.
¿Xi zanda gúniluʼ?
Ti binni nuu xpiaaniʼ la? ruuyaʼ ca cosa ni zándaca guniná laa ne ruyubi modo guireecueʼ de laacani. Nga runi, pa racaláʼdxiluʼ chuʼluʼ nazaaca ne cadi gápaluʼ ti guendahuará malu la? guca ti binni nayá, jma galán gúniluʼ xiixa ante gaca huaraluʼ.
«Cumu rúnidu stipa gácadu binni nayá ne nayá nuu ra lídxiluʼ la? huaxiéʼ runítidu bueltu para chuudu ra nuu doctor o para sidu medicina» (Andreas). *
^ Maʼ bidxaa lá caadxi binni.
Laaca zándaca ziuuláʼdxiluʼ ca ndiʼ
¡GUTANÁ!
Ni zanda gúniluʼ ora nápaluʼ estrés
Biiyaʼ caadxi conseju ni zacané lii guni controlarluʼ estrés nápaluʼ ne cadi tan guninani lii.
