Coʼ. Cadi tiisi rucheechedu diidxaʼ de yoo pur yoo maʼ zaladu (Efesios 2:8). Xiñee yaʼ.

 Quíxhenu ti ejemplu: Bixuiʼlú nuu ti hombre nachaʼhuiʼ gusigaʼdeʼ laanu xiixa nabé risaca, peru para gudiibe ni laanu naquiiñeʼ chuunu ti lugar gábibe laanu ne ti dxi nabe. Pa nánnanu nacháʼhuibe, cadi dxandíʼ ñuunu ra gúdxibe laanu ca ne dede ñábinu familia stinu ne ca xhamígunu ñecaʼ la? Yanna, ñee nápanu derechu guicaanu regalu ca tiisi bíninu ni na hombre ca la? Coʼ, purtiʼ de guidubi ladxidoʼbe nuube gudiibe ni laanu ne cadi pur bíninu ni nabe.

 Zacaca nga laadu, ca testigu stiʼ Jehová, runi credu zuni Dios ni maʼ bidii stiidxaʼ, gudii guendanabani ni qué zaluxe cani guzuubaʼ stiidxaʼ (Romanos 6:23). Ne cumu racaláʼdxidu guicaa xcaadxi binni ni la? rúnidu stipa pur güínedu laacaʼ stiidxaʼ Dios. Peru nánnadu cadi tiisi gucheechedu diidxaʼ maʼ zaladu (Romanos 1:17; 3:28). Dxandipeʼ la? gastiʼ qué zanda guni binni para guicaa ni cusigaʼdeʼ Dios laa. Biblia peʼ na: «Bilá be laanu cadi purti bini nu xiixa enda nachaʼhui, sínuque purti biá be laanu» (Tito 3:5).