Ló dzú ni sietra sabanyno goxtiguie
Ló dzú ni sietra sabanyno goxtiguie
«Stidxosi tiemp, né buñ mal ma diti sioʼ [...]. Per buñ nadaʼa sabany ló gudxlio, né nigolú sioʼ nakityibu né saguaʼyibu goxtiguie» (SALMO 37:10, 11).
¿NAINY looy gac cumplir profecía reʼ la? Nando que scú. Noʼ razón par gonyno crer que mápa mer sac cumplirni.
Artículos ni ma bíilno bisetlani tipnés profecías ni raslooy que ma rabésno ló «dzú ni ma guidubylagaʼ» (2 Timoteo 3:1-5). Dios gocné a guirá ni bicaʼ la Biblia par naniʼ guirá profecías reʼ né modreʼ labúu gapno esperanza (Romanos 15:4). Profecías ni cayac cumplir raslooyni lóono que guirá galnagan ni cacalóno mápa mer sanitlóni.
¿Xí láani gac órni ma bilox dzú ni ma guidubylagaʼ? Gobierno xtuny Dios sony mandaryni buñgudxlio (Mateo 6:9, 10). Bibiʼ mod raslooy la Biblia láani:
● Ma diti sioʼ galrralán. «Sioʼgolu ni guá buñ ló gudxlio, laidy dainy sioʼgoluni» (Salmo 72:16).
● Ma diti sioʼ galguitz. «Né ni toib buñ saniʼ: Caxoʼya» (Isaías 33:24).
● Gudxlio sac copyni stoib. «Yoolaʼ né yoovich sabaladx, né láach ni nabich sioʼ nakit né siálni xomod riál azafrán» (Isaías 35:1).
Ndeʼ nosi nac tipnés profecías ni mápa mer gac cumplir. Pal nainy looy ganlo más gonab a toib testigo xtuny Jehová par cuéxabu looy xigony layibu nigolú napyibu confianz que ló dzú ni sietra sabanyno goxt.