La 73:1-28
La nɛ Asaf po.
73 Niinɛ, Mawu hi ha Israel, e hi ha nihi nɛ a tsui mi tsɔ ɔ.
2 Imi lɛɛ, e piɛ nguɛ nya nɛ ye nane tla blɔ;E piɛ bɔɔ nɛ ye nane sane.
3 Ejakaa ye hɛ kɔ̃ he nɔ woli* a nɔBenɛ i na kaa yiwutsotsɛmɛ ngɛ tue mi jɔmi ɔ.
4 Ejakaa a gbo we dengme loko a gboɔ;A ngɛ nɔmlɔ tso mi he wami.*
5 A hɛwi kaa adesa kpahi,Nɛ a nɛ nɔ́ kaa ni kpahi hulɔ.
6 Lɔ ɔ he ɔ, he nɔ womi ji a kuɛ ní;Yi wu tso ji tade nɛ a wo.
7 A ní nami* ɔ haa nɛ a hɛngmɛhi fuu;A ná ní pe bɔ nɛ a hyɛ blɔ.
8 A yeɔ nɔ he fɛu nɛ a tuɔ munyu yayahi.
A he nɔ womi ɔ he je ɔ, a woɔ nihi a he gbeye kaa a maa wa mɛ yi mi.
9 A tuɔ munyu kaa nɔ́ nɛ a nɔ kuɔ kɛ su hiɔwe,A nyɛɛɔ kɛ yaa kɛ baa ngɛ zugba a nɔ, nɛ a kɛ a lilɛ deɔ nɔ́ fɛɛ nɔ́ nɛ a suɔ.
10 Lɔ ɔ he ɔ, Mawu* we bi ɔmɛ plɛɔ kɛ yaa a ngɔ,Nɛ a nuɔ a nyu babauu ɔ eko.
11 A deɔ ke: “Kɛ Mawu plɛ kɛ le kɛɛ?
Anɛ Nɔ Nɛ E Nɔ Kuɔ Pe Kulaa a le nɔ́ nɛ ngɛ nɔ yae ɔ niinɛ lo?”
12 Ee, ni nɛ ɔmɛ ji yiwutsotsɛmɛ, nɛ́ be fɛɛ be ɔ, a ngɛ he jɔmi mi ɔ nɛ.
A ngɛ ní náe kɛ ngɛ he bɔe.
13 Niinɛ, i ha nɛ ye tsui mi tsɔ yaka guNɛ i fɔ ye dɛ kɛ tsɔɔ kaa sane ko be ye he yaka gu.
14 Nɛ i hao ligbi ɔ tsuo;Daa mɔtu ɔ, a gblaa ye tue.
15 Se kaa i tu ní nɛ ɔmɛ a he munyu ɔ,Jinɛ i tsɔɔ o we bi ɔmɛ* a se blɔ.
16 I bɔ mɔde kaa ma nu sisi,Se ye juɛmi kpi he
17 Hluu kɛ ya si be nɛ i sɛ Mawu jami he ngua a,Loko i yɔse nɔ́ nɛ maa ba a nɔ hwɔɔ se.
18 Niinɛ, o ngɔ mɛ kɛ da zugba nɛ nɔ saneɔ* nɔ.
O haa nɛ a nɔɔ si nɛ a hɛ mi kpataa.
19 Hyɛ bɔ nɛ a hɛ mi kpataa tlukaa ha!
Hyɛ bɔ nɛ a nyagbe nɛ ngɛ gbeye ɔ baa tlukaa ha!
20 Oo Yehowa, kaa bɔ nɛ nlami se poɔ ke nɔ ko hɛ tsɛ̃ ɔ,Jã kɛ̃ nɛ ke o te si ɔ, o ma ha nɛ a maa laa.*
21 Se ye tsui hao,Nɛ i nu piimi nɛ nya wa he ngɛ ye mi tɔɔ.*
22 I susuu we nɔ́ he, nɛ i nui nɔ́ sisi;I pee kaa lohwe nɛ be juɛmi ngɛ o hɛ mi.
23 Se amlɔ nɛ ɔ, i kɛ mo ngɛ daa;O pɛtɛ ye hiɔ nine he.
24 O kɛ o ga womi ɔ tsɔɔ mi blɔ,Nɛ pee se ɔ, o maa nyɛɛ ye hɛ mi kɛ ya hɛ mi nyami mi.
25 Mɛnɔ lɛ i pa ngɛ ngɛ hiɔwe pe mo?
O se ɔ, i hla we nɔ́ ko nɔ́ ko ngɛ zugba a nɔ.
26 Ye nɔmlɔ tso kɛ ye tsui ma nyɛ ma gbɔjɔ,Se Mawu ji tɛsa kɛ ha ye tsui, kɛ ye blɔ fa mi nɔ́ kɛ yaa neneene.
27 Niinɛ, nihi nɛ a je a he kɛ je o he ɔ, a hɛ mi ma kpata.
Nɔ fɛɛ nɔ nɛ jeɔ o se nɛ e ya bɔɔ ajuama a,* o ma kpata e hɛ mi.*
28 Se imi lɛɛ, e hi ha mi kaa ma hɛ kɛ su Mawu he.
I ngɔ Nyɔmtsɛ Matsɛ Yehowa kɛ pee ye wesa he,Konɛ ma jaje o ní tsumi ɔmɛ tsuo.
Sisi Ningmahi
^ Aloo “fiali.”
^ Aloo “Zɔ ha nɛ a muklii kle.”
^ Ngɛ Hebri gbi mi ɔ, “A zɔ.”
^ Ngɛ Hebri gbi mi ɔ, “e.”
^ Ngɛ Hebri gbi mi ɔ, “o binyumu ɔmɛ a yi nɔ bi ɔmɛ.”
^ Aloo “slã.”
^ Ngɛ Hebri gbi mi ɔ, “o maa gbe a subai he guɛ.”
^ Ngɛ Hebri gbi mi ɔ, “ngɛ ye se tso mi ngmɛ mi.”
^ Aloo “Nɔ fɛɛ nɔ nɛ yi mo anɔkuale ɔ.”
^ Ngɛ Hebri gbi mi ɔ, “o ma ha nɛ e ma e nya.”
