Belelai. Biblia wirintukungi bentren patakake tripantu mu ka kiñeke che ulpabingün Biblia ñi wirin papil mu, tapül mu, kenü trülke mu. Welu taiñ pekeel billke kuibike wirintun Biblia nielu, peiñ welulelai Biblia taiñ niel bachantü.

 Bentren warangka Biblia ñi wirin pengeki, kiñeke püchü kakewmingün, beimu kiñeke ulpabe welulkawingün püchün müten. Biblia ñi wirin ñi kimelün kakewmelai. Kabei müli kiñeke wirin taiñ rakiduamelabetu pu che ayükebüi ñi kakünobel Biblia ñi kimelün. Peaiñ epu dungu:

1.   Kiñeke Biblia ulpadungungelu kuibi mu 1 Juan 5:7 eipi: “Wenu mapu mu ti Chaw, ti Botüm ka ti Lib Küme Püllü. Kom külangen kiñewküli engün”. Welu kabei müli kake wirin ulpangelu taiñ pengeleletu beichi dungu wiringelabüi kuibi mu. a Beimu taiñ antü mu billke Biblia nielaingün beichi dungu.

2.   Dio tañi üi kuibi mu bente upa wirintukungi Biblia mu, welu alün ulpadungube tukuleltubingün “Señor” kam “Dios” pituingün.

 Bachantü bentreli wirintukun Biblia mu chew küdawngelai pengel tati welulkawün. b Kintulu iñchiñ tübachi wirintukun, ¿chem kimpoiñ? Bachantü, ¿maneluwpeabüiñ Biblia mu mai?

•   Hebreo Wirintukun (Antiguo Testamento pingelu) kimche William Henry Green eipi: “Rüb dungu mu eipiabüiñ, bachantü chumngechi wirikonküli Biblia kuibi mu, bachantü ka bemngechi wirikonküli. Tübamu ngelai kiñe libru ume chablu Biblia mu”.

•   Griego Cristiano Wirintukun (Nuevo Testamento pingelu) kimche Frederick Bruce eipi: “Bentren wirintukun Biblia mu müli tañi peal. Kakelu kuibi wirintungel newe ngelai papil tañi kintulngeal, welu rübngelu trukungeki”.

•   Sir Frederic Kenyon, doi niebüi kimün kuibi Biblia ñi wirintukungel, eipi: “Kiñe che niele Biblia, rüb eipiabüi ‘nien Chaw Dio tañi Dungu’. Kuibi ñi wirintukungel, bachantü ka bemngechi manelbalngi”.

•   Ulpabe judio ka ulpabe cristiano entulabingün chew wirintukungi pu israelche tañi welulkawün (Números 20:12; 2 Samuel 11:2-4; Gálatas 2:11-14). c Kabei entulaingün chew wirintukungi pu judioche ñi mupitunol ka tañi welulkawün kimeltun (Oseas 4:2; Malaquías 2:8, 9; Mateo 23:8, 9; 1 Juan 5:21). Beichi wirintukuingün pu ulpabe, pengelingün tañi küme piwke ka tañi balintunebel Chaw Dio tañi Dungu.

•   ¿Kümepeabüi mai tañi rakiduamal Chaw Dio werküi tañi wirintukungeal Biblia, kidu elkünoi tañi küme ulpangeal? (Isaías 40:8; 1 Pedro 1:24, 25). d Kidu ‘kuibi upachi che müten kimai’ pilabüi. ‘Pu che mülelu bachantü ka bemngechi kimpe’ eipi (1 Corintios 10:11). Beimu “kom tati kuibi wirintukuelchi dungu Wirin Chillka mu, wirintukungi iñchiñ taiñ kimelelngeal. Bemngechi taiñ newentuleal ka nieal maneluwün Chaw Ngünechen tañi Wirin Chillka mu” (Romanos 15:4).

•   Jesu ka tañi inaneketu eipilu tati wirikonkülelu mu, rakiduamlaingün tañi mülen welulkawün no ume (Lucas 4:16-21; Hechos 17:1-3).