Biblia meu huirintucungei cheu ñi rupan fillque dungu, üitufi fentren mapu, huaria ca fillque lof. Fei tati folleto Veamos “la buena tierra” pingelu huincadungun mu, niei fillque mapa Biblia mu tami doi cüme pepilnieafiel Biblia ñi feipin. Ngüneduamfilmi tüfachi folleto, cüme quimaimi cheu mülei fillque mapu ca huaria huirintucungelu Biblia mu, fei adquintunieafimi reque. Pefiel mu ti mapa, quimaimi chem niei ti mapu ca chumngechi tüfa cümelcafi cam huesalcafi ñi rupan pu che Biblia mu tripalu.

Ti folleto Veamos “la buena tierra” pingelu niei fentren mapa fillque color nielu ca huifcülechi dungu ca caquelu femngechi dungu pengelquelu chumngen tati mapu cuifi mu. Cafei niei fillque dibujo, adentun ca caquelu quellu tami doi cüme inaduamal Biblia ñi feipin.

Feitachi fillque mapa Biblia mu quelluaimu:

• tami doi cüme adümal cheu ñi miyauquefel Abrahán, Isaac ca Jacob cuifi mu.

• tami peafiel cheu püle rupai pu israelche tripalu engün Egipto mapu meu, fei ñi acual tati Feipicünuelchi Mapu mu.

• tami quimal tunte alü camapulefuingün pu Israelche tañi pu caiñe.

• tami peafiel cheu ñi miyauquen Jesús amuldunguchequefulu mapu meu.

• tami loncontucual tunte alün-ngefui com ñi ngünenieel pu fütraque gobierno tripalu Biblia meu, Babilonia, Grecia, Roma ca caquelu gobierno.

Cullilayami tami peafiel tüfachi fillque mapa huincadungun mu.