¿Inei engün am amuai huenu mu?
Biblia ñi quimeltuqueel
Dios dullifi quiñeque cristiano ñi amual huenu mu lale engün (1 Pedro 1:3, 4). Ñi mülepual huenu mu engün, mülei ñi feyentunieafiel ta Chau Dios ca ñi hueniyenieafiel (Efesios 5:5; Filipenses 3:12-14).
Ti amulu huenu mu, ¿chem chumaingün üyeu?
Fei engün reyngeai ca sacerdotengeaingün Jesús engün quiñe huaranca tripantu mu (Apocalipsis 5:9, 10; 20:6). Fei engün huenu mu ñi mülen ngünenietuafingün ta Mapu. Quelluafingün ta pu che ñi cümelcaleal, chumngechi ñi ayüniefel ta Chau Dios ellaca mu (Isaías 65:17; 2 Pedro 3:13).
¿Tunten che amuai huenu mu?
Biblia feipi 144.000 che huiñomongetuai huenu mu (Apocalipsis 7:4). Juan pei quiñe vision mu, ti Cordero huitralei Sion pingechi huincul meu, compañnieyu 144.000 che (Apocalipsis 14:1-3). Ti Cordero adentulei Jesús tañi huiñomongetun mu (Juan 1:29; 1 Pedro 1:19). Ti Sion huincul adentulei ñi falin dungu ñi femal Jesús ca 144.000 huenu mu (Salmo 2:6; Hebreos 12:22).
Tati amualu huenu mu ca quimniengeingün quiñe pichi quechan ufisa reque (Apocalipsis 17:14; Lucas 12:32). Tüfa pengeli quiñeque müten inaniefilu ta Jesús ñi amual huenu mu (Juan 10:16).
Quiñeque dungu ñi raquiduamyequeel ta che
Quiñeque che raquiduamquei: Com cümeque che ñi amuquen huenu.
Ti rüf dungu: Dios feipicünui Biblia mu fentren cümeque che ñi rumel mongeleal Mapu mu (Salmo 37:11, 29, 34).
Jesús feipi: ‘Inei no rume püraquelai ta huenu meu’ (Juan 3:13). Tüfa pengeli cuifi layechi pu che petu ñi cüpanon Jesús, amulaingün ta huenu. Feimu Abrahán, Moisés, Job ca David cüme chengefuingün, huelu amulaingün ta huenu (Hechos 2:29, 34). Maneluucülefuingün huiñomongetual Mapu meu (Job 14:13-15).
Ti huiñomongetun huenu mu, ca “hune huiñomongetun” pingei (Apocalipsis 20:6). Tüfa pengeli ñi müleal cangelu huiñomongetun. Tüfa tañi femal ta Mapu mu.
Biblia quimeltuquei Dios tañi Gobierno mu ngehuelayai lan dungu (Apocalipsis 21:3, 4). Huenu mu turpu ngequelai lan. Femngechi, ñi feipin tüfachi versiculo, Mapu mu ta cumpliai tañi feipilen.
Quiñeque che raquiduamquei: Quisuque dulliafui ta che cheu tañi müleal: huenu mu cam Mapu mu.
Ti rüf dungu: Dios dulliquei inei engün ñi amual huenu mu (Filipenses 3:14). Iñchiñ ta dullilayafuiñ cheu taiñ serfiafiel ta Dios: huenu mu cam Mapu mu (Mateo 20:20-23).
Quiñeque che raquiduamquei: Doi cümei taiñ mongeleal ta huenu mu taiñ mongeleal ta Mapu mu.
Ti rüf dungu: Ti pu che rumel mongelealu Mapu mu, “iñche tañi pu che” piquei ta Dios, ca “tañi dullinche” (Isaías 65:21-23). Fei engün rumel mongeleaingün tüfachi Mapu meu, ca ayühunquechi paraiso cünuafi tüfachi Mapu. Femngechi feletuai tati pu che Dios tañi ayüquefel ellaca mu (Génesis 1:28; Salmo 115:16; Isaías 45:18).
Quiñeque che raquiduamquei: Ti numero 144.000, rüf dungu no.
Ti rüf dungu: Quiñeque numero tripalu Apocalipsis mu quiñe adentun no, rüf dungu. Quiñe ejemplo, Apocalipsis feipi ti Cordero niefui mari epu apostol (Apocalipsis 21:14). Tüfachi numero quiñe ilustracion no, rüfngechi dungu. Huelu, ¿chumngechi quimafuiñ ti 144.000 ñi rüfngen?
Apocalipsis 7:4 feipi 144.000 che dullingei Mapu mu ñi amual huenu. Ca femngechi ñi feipin feiti capitulo, rume fentrenque che ñi mülen inei rume pepi raquilai (Apocalipsis 7:9, 10). Ti 144.000 rüfngenofule, fei ngelayafui ñi pepi raquingeal ti fentrenque che ñi mülen. a
Ca femngechi ñi feipin Biblia ti pu 144.000 ngillangeingün pu che mu, “tati hunenque fün quetran reque” (Apocalipsis 14:4, TNM). Feimu feipiliyiñ fei engün ta hunen fün quetran, tüfa pengeli ñi mülen caquelu pu che. Tüfachi pu 144.000 quiñentrür Jesús engu ñi ngünenieafiel tati fentrenque pu che mülelu Mapu mu (Apocalipsis 5:10).
a Ti profesor profesor Robert Thomas feipi: “Ti 144.000, feiti numero rüfngei. Feipiliyiñ feiti numero 144.000 rüf dungu no fel. Felefule, quiñe numero rume rüf dungu no fel tripalu Apocalipsis mu” (Revelation 1-7: An Exegetical Commentary, pagina 474).
Eimi ca ayüafuimi
FALINQUE QUIMELTUN BIBLIA MU TRIPALU
¿Chem am ta Chau Dios ñi Reino?
Amuldungumequelu, Jesús doi quimeltui Chau Dios ñi Reino. Fentren tripantu mu, pu che llellipuquei ñi cüpayal tüfachi Reino.
