Chumngechi feipilei Biblia, David, Israel ñi rey, mongelequefui doi huaranca tripantu püle petu ñi acunon Jesús, ca tañi pu cüpanche ñi ngüneniequefel engün doi pataca tripantu Israel mapu meu. Huelu quiñeque quimluchi che feipiqueingün ta David ñi rüf mongelequenofel, quiñe epeu müten reque ñi nütramcaquen tati pu che cuifi mu. Huelu mai ¿David rüfngepei mai tañi mongelequefel?

 1993 tripantu mu, ti arqueologo Avraham Biran ca tañi troquiñche engün, rünganentuingün quiñe huiquef cura huirintucunielu “David ñi rucanche”, Tel Dan lof mapu mu, Israel ñi norte püle. Huirintuculei quiñe cuifi huirin dungu mu, 900 tripantu püle petu ñi acunon Jesús Mapu meu. Tüfa ñi huirintucuel tati pu Aram che ñi pengelal tañi hueufiel hueichan meu tati pu Israel che.

 Quiñe papil tripalu Bible History Daily mu feipi: “Quiñeque che feyentulaingün rünganentungelu ti huirin dungu ‘David ñi rucanche’ [...]. Huelu epe com pu chillcatuquelu Biblia tañi huirin ca tati pu arqueologo cüme lloufingün tüfachi cura ñi rünganentungeel Tel Dan mu, tüfa tati hunen dungu ñi pengelün David tañi rüf mongelequefel cuifi mu. Tüfa tati doi afmafalchi cuifi dungu ñi rünganentungeel, ca ñi pengelel tati ravista Biblical Archaeology Review mu”.