7 JISKTʼA
¿Kamsis Biblian profecianakapajj jichha tiempotjja?
“Mä jachʼa markajj yaqha jachʼa marka contraw nuwasini [...]. Taqe ukanakajj wali tʼaqesiñanakan qalltapakïskiwa”.
“Walja falso profetanakaw sartapjjani, walja jaqenakaruw engañjapjjarakini. Jan wali luräwinakan jiljjattatap laykojja, niya taqe jaqenakan munasiñapaw thayarani”.
“Kunapachatï jumanakajj taqe cheqan guerranak utjatap istʼapjjäta ukhajja, jan sustjasipjjamti. Ukanakajj pasañapapuniwa, ukampis akapachajj janïraw tukuskaniti”.
“Jachʼa terremotonakaw utjarakini, manqʼat pistʼañanakasa jan wali usunakasa ukjan akjan utjani. Wali ajjsarkañanakaw uñjasini, alajjpachatsa jachʼa señalanakaw jutarakini”.
“Qhepa urunakanjja chʼama tukuña jan wali tiemponakaw utjani. Jaqenakajj akhamäpjjaniwa: jupanak pachpa munasirinaka, qollqe sinti munirinaka, pʼeqe waytat sarnaqerinaka, jachʼa jachʼa tukurinaka, Dios contra jaqe contra jan wal parlirinaka, awkiparus taykaparus jan istʼirinaka, jan yuspärasirinaka, jaqe masipar jaytanukurinaka, jan munasirinaka, jan kuna acuerdorus mantañ munirinaka, kʼarintirinaka, munañapampi apnaqayasirinaka, qhorunaka, kunatï walïki uk uñisirinaka, traicioneronaka, jan amuytʼañ munirinaka, jachʼañchasirinaka, Diosar munasiñat sipansa pachpa munañapak thaqerinaka, Dios chuymäpkaspas ukham tukurinaka, janirak ukarjam sarnaqerinaka”.