CANCIÓN 125
“Kusisiñanïpjjew khuyapayasirinakajja”
-
1. Jehová Diosajj munasiriw,
wali khuyaptʼayasiriw.
Manqʼañanaksa sapüruw
jan kun suyas churapjjestojj.
Arrepentisirinakats
wal khuyaptʼayasirakejj.
Khuyaptʼayasirïtasajj
Jupar kusisiyarakiw.
-
2. Maynir perdonañän ukhajj
kusisitaw jakañänejj,
Diosas perdonasistaniw,
uk amtapjjañasapuniw.
‘Khuyapayasirinakajj
wali kusisiñanïpjjew’
sasaw Cristojj yatichistojj,
khuyaptʼayasirïñasaw.
-
3. Jaqenakajj jachʼañchatäñ
munasakiw kuns lurapjjejj.
Diosan servirinakapajj
janiw ukhamäñasäkit.
Kusisitäñapatakiw
maynir yanaptʼapjjañasajj.
Ukham lurapjjañän ukhajj
Diosajj bendisipjjestaniw.
(Uñjjattʼarakismawa Mat. 6:2-4, 12-14.)