BIBLIA TOQET JISKTʼANAKA

¿Bibliajj Diosan Arupapunïpachati?

Bibliatï Diosan Arupächejja, jan kikpanïñapawa, cheqas Bibliajj ukhamapuniwa. Millón millón Biblianakaw lurasiwayi ukat walja arunakaruw jaqokipasiwayaraki. Kunatï Biblian qellqatäki ukajj nayra jakäwinakap jaytañapatakiw jaqenakar yanaptʼi. (1 Tesalonicenses 2:13 ukat 2 Timoteo 3:16 liytʼäta.)

Kunatï jutïrin paskäni uk Bibliajj cheqpunwa qhanañchi, jaqejj janiw ukham qhanañchkaspati, ukatwa Diosan Arupapuniwa sasin sissna. Amuytʼañataki, mar Muerto sat lamar qota jakʼanjja, Isaías librot qellqaqatwa mä qʼawan jikjatapjjatayna. Uka qellqatajja, Jesusan nasiñapatak 100 maranak faltkipanwa qellqasitayna. Ukat ukanjja, Babilonia markajj jan mayampitakiw tukjatäni sasaw qhanañchäna. Uka profeciajj Jesusan nasitapat walja maranak qhepatwa phoqasïna. (Isaías 13:19, 20 ukat 2 Pedro 1:20, 21 liytʼäta.)

¿Kunjamsa Bibliajj qellqasïna?

Bibljja mä 40 chachanakaw qellqapjjäna, ukat 1.600 ukha maranakanwa tukuyasiwayi. Qalltat tukuykamajj mä pachpa amuyukiwa, janirakiw may may parlkiti. ¿Kunjamsa uk lurapjjäna? Dios pachpaw jupanakar amuytʼayäna. (2 Samuel 23:2 liytʼäta.)

Awisajja, Diosajj angelanakap toqe, visionanak toqe ukat samkanak toqew Biblia qellqerinakar parläna. Ukampis jila partejj Diosaw Biblia qellqerinakarojj kunanaksa qellqapjjañapa uk amuyunakaparu uchäna, ukat jupanakaw pachpa arunakapampi Diosan yatiyäwinakap qellqapjjäna. (Apocalipsis 1:1; 21:3-5 liytʼäta.)

Jukʼamp yatjjatañatakejja, aka libron 2 jaljap uñjjattʼäta, ukajj Jehová Diosan Qhanañchirinakapan luratawa

Ukat Internetanjja, www.mr1310.com/ay cheqanwa apaqañatak utjaraki