Yésaya 46:1-13
46 Bel a nhôdôp,+ Nébô a ñôôp.
Binuga gwon bi bééga bisat gwap; ñ, binuga bi nson bi bééga+ gwo;bisat gwap bi yé kiki mambegee ma ma nyidil binuga bi bi yé nwaak.
2 Bisat bi nhôdôp, bi ñôôp ki;bi nla bé sôñ mambegee,*gwomede bi yé ke i minkôm.
3 “Emblana me a mbôda Yakôb; yak bé bobasôna ba ni ngi yii i mbôda Israel,+a bé ba me bi nit ilole ni ngwéé, me begee ki bé i ngéda ni bé ikété libum.+
4 To ni mañap, me ga ba nlélém;+to tjôñ dinan di mpôp, m’a kônde nit bé.
Kiki me bi bôk me boñ, me ga nit bé, me begee bé, me tohol+ ki bé.
5 Njee a yé kiki me; me kôli ni njee, tole ni nla hégha+ me ni njee,wengoñle me ni nye di mpôna?+
6 Ngim bôt i mpémés gôl i bibot gwap;ba hek silba i kilô.
Ba saa mut a ñôô bikei, a bañ nyambe+ ni yo.
I mbus, ba kahal ôôp nye i bisu, ñ, ba bôdôl bégés+ nye.
7 Ba mbegee nye i bituu;+ba kena nye, ba téé nye i homa wé, a yégle ha.
a nyodi bé i homa ba ntéé nye.+
Ba nlôndôl nye, ndi a ntimbhe bé;a nla bé sôñ mut ikété njiiha.+
8 Ni hôya bañ i jam li, ni bana ki makénd.
A bibéba bi bôt, téédana i jam lini ikété miñem minan.
9 Hoñlana mam* ma bi tagbe i ngéda kôba,bigdana le men me yé Nyambe, numpe a ta bé.
Me yé Nyambe, numpe a ta bé le a mpôna me.+
10 I ngéda jam li ngi yii i bibôdle, me ñañal lisuk jé;ibôdôl i ngéda kôba, me ñañal mam ma yé ngi bôña.+
Me nkal le: ‘Sômbôl* yem y’a yon;+me ga boñ mam momasôna ma nlémél me.’+
11 Me nsébél hinuni hi hi nje minsôn, hi lôlak i homa hiañgaa hi mpémél;*+ñ, me nsébél i mut a nlôl i loñ i yé haa, le a boñ sômbôl* yem.+
I jam me mpot, me ga boñ jo.
Me nhek pék i boñ ngim jam, me ga yônôs ki jo.+
12 Emblana me, a bôt ba gwé miñem mi nlet,*yak bé ba ni bi ke haa ni telepsép.
13 Me nlona telepsép yem bebee;i ta bé haa,yak tohi yem i ga tiñha bé.+
Me ga lona tohi i Siôn, me lona ki lipém+ jem i Israel.
Ndoñi
^ Hala wee, i bisat binuga bi bééga.
^ Ni hop Lôk Héber, “mam ma bisu.”
^ Tole “Makidik.”
^ Tole “hi lôlak i likôl.”
^ Tole “makidik.”
^ Ni hop Lôk Héber, “mi ngui.”
