Ano an Tanda kan “Huring mga Aldaw,” o kan ‘Panahon kan Katapusan’?
An simbag kan Bibliya
Binabanggit sa Bibliya an mga pangyayari asin kamugtakan na magigin tanda kan “pagtatapos kan [presenteng] sistema nin mga bagay,” o “katapusan nin kinaban.” (Mateo 24:3; Magna Banal na Kasuratan) Inaapod kan Bibliya an panahon na ini na “huring mga aldaw” asin “panahon kan katapusan,” o ‘katapusan kan panahon.’ (2 Timoteo 3:1; Daniel 8:19, NWT; An Marahay na Bareta Biblia) Uni an nagkapirang risang marhay na mga kabtang kan mga propesiya manungod sa huring mga aldaw, o katapusan kan panahon:
Darakulang giyera.—Mateo 24:7; Kapahayagan 6:4.
Grabeng gutom.—Mateo 24:7; Kapahayagan 6:5, 6.
Makusog na mga linog.—Lucas 21:11.
Mga damat, o mga epidemya nin hilang.—Lucas 21:11.
Pagdakul nin krimen.—Mateo 24:12.
Pagraot kan mga tawo sa daga.—Kapahayagan 11:18.
Pagraot kan ugali nin mga tawo—dakul an “dai tataong magpasalamat, bakong maimbod, . . . habo nin ano man na kasunduan, parapakaraot, daing pagpupugol sa sadiri, maringis, daing pagkamuot sa karahayan, traydor, matagas an payo, orgulyoso.”—2 Timoteo 3:1-4.
Pagkaraot nin pamilya huli ta an mga tawo “mayong pagkamuot sa mga kapamilya” asin an mga aki “masinuway sa mga magurang.”—2 Timoteo 3:2, 3.
Nagigin malipot an pagkamuot nin kadaklan na tawo sa Diyos.—Mateo 24:12.
Pagsagin-sagin na hiling-hiling sa mga relihiyon.—2 Timoteo 3:5.
Mas malinaw na pakasabot sa mga propesiya sa Bibliya, kaiba na an manungod sa huring mga aldaw.—Daniel 12:4.
Paghuhulit kan maugmang bareta kan Kahadian sa bilog na daga.—Mateo 24:14.
Dakul an dai interesado asin tinutuya pa ngani an ebidensiya na harani na an katapusan.—Mateo 24:37-39; 2 Pedro 3:3, 4.
Sarabay na pagkautob kan gabos na propesiyang ini, bako sanang kan pira o kan kadaklan pa ngani sa mga ini.—Mateo 24:33.
Nabubuhay na daw kita sa “huring mga aldaw”?
Iyo. Ipinaparisa kan mga nangyayari sa kinaban pati na kan kronolohiya sa Bibliya na an huring mga aldaw nagpuon kan 1914. Kan panahon na iyan, nagpuon na mamahala sa langit an Kahadian nin Diyos, asin an saro sa mga inot na ginibo kaiyan iyo an pagpalayas sa langit ki Satanas na Diyablo saka sa mga demonyo asin pagpangyaring sa daga na sana an mga aktibidad ninda. (Kapahayagan 12:7-12) An impluwensiya ni Satanas sa katawuhan mahihiling sa dakul na maraot na mga ugali asin gibo na dahilan kaya an huring mga aldaw “delikado asin masakit na mga panahon.”—2 Timoteo 3:1.
Puwede Mo Man Magustuhan
SIMBAG SA MGA HAPOT SA BIBLIYA
Nuarin an Katapusan kan Kinaban?
May sinasabi daw an Bibliya na eksaktong oras?
AN TORRENGBANTAYAN
“An Katapusan”
Aram daw nindo na an sinasabi kan Bibliya dapit sa “katapusan,” sa katunayan, sarong marahay na bareta?
MAHALAGANG MGA TUKDO KAN BIBLIYA
An Kahadian nin Diyos Nagpuon na Mamahala kan 1914
Labing 2,600 na taon na an nakaagi, ipinasabong nin Diyos sa sarong makapangyarihan na hadi an sarong propetikong pangaturugan na nauutob na ngunyan.
SIMBAG SA MGA HAPOT SA BIBLIYA
Ano an Sinasabi kan Bibliya Manungod sa mga Pandemya?
May mga nagsasabi na ginagamit nin Diyos an mga pandemya asin iba pang hilang tanganing padusahan an mga tawo ngunyan. Pero bako iyan an sinasabi kan Bibliya.