Apo amafya mu calo yalefulilako abantu balefilwa ukubika amano ku batemwikwa babo.

• Abantu balaitalusha ku banabo.

• Abaupana balaleka ukuba ne cikuuku ku bena mwabo.

• Abafyashi balaleka ukubika amano ku bana babo ica kuti tabeshiba na mafya abana bakwata.

• Ukukwata ifibusa kusuma pantu kulalenga tuleba no bumi ubusuma e lyo tuletontonkanya bwino.

• Ificitika mu calo kuti fyalenga mu lupwa lwenu mwaba amafya ayabula ukwenekela.

• Amalyashi ayabipa ayaba pa milabasa kuti yalenga abana benu balaikala mwenso mwenso ukwabula no kuti mwiluke.

Baibolo itila: “Ukutemwa kwa kwa cibusa wa cishinka takupwa, kabili uyu cibusa ni munyina uufyalwa ilyo kuli ubucushi.”—Amapinda 17:17.

Mulelanshanyako ne fibusa abamutemwa kabili abengamupandako amano. Ifibusa fya musango uyu filalenga tuletwalilila ukushipikisha amafya tukwata cila bushiku.