ICIPANDE ICIKALAMBA
Ifyo Mwingaluka mu fyo Mwatemwa Ukucita
-
ILYO inkoloko yaleka ukulila, ba Austin babuuka ninshi bacili no tulo. Bwangu bwangu bafuma pa busanshi kabili bafwala ifya kufwala no kuya mu kubutuka nga fintu bacita imiku itatu mu mulungu pa mwaka uutuntulu.
-
Ba Laurie e lyo bacifuma fye mu kuumana na bena mwabo. Babutukila mu kicini ninshi nabafulwa kabili babuula amaswiti ayengi no kulya fye yonse, nga fintu bacita lyonse nga bakalipa.
Finshi fipalene pa ficita ba Austin na ba Laurie? Kwaliba ifyo bonse babili batemwa ukulacita.
Inga imwe? Bushe kwaliba ifisuma ifyo mufwaya ukulacita? Nalimo mulafwaya ukulatukusha umubili lyonse, ukulalala sana, nelyo ukulalanshanya sana na bulupwa ne fibusa.
Nalimo kwaliba imisango yabipa iyo mufwaya ukuleka, pamo nga ukupeepa fwaka, ukulya sana ifya kulya ifingalenga mwaina ukucila mu cipimo, nelyo ukulapoosa inshita iikalamba pa Intaneti.
Icishinka ca kuti, calyafya ukuleka imisango yabipa. Na kuba, batila ukuleka imisango yabipa kwaba kwati kufuma mu malangeti ninshi nakutalala, e lyo ukutendeka imisango yabipa kwaba kwati kwingila mu malangeti ilyo kutalele.
Nomba kuti mwacita shani pa kuti muleke imisango yabipa no kutendeka ukulacita ifintu ifingalenga mwaba abantu abasuma? Natulande pa fintu fitatu ifyo Baibolo yalanda ifingatwafwa.
Nalimo Kuti Mwatemwako ne fi
ULUPUNGU LWA KWA KALINDA
Ukupeepa—Ubwafya Ubwaba fye Isonde lyonse
Mulandu nshi ubu bwafya bwatwalilila te mulandu no kubombesha kwa kwesha ukulesha abantu ukuleka ukupeepa?
LOLENI!
Bushe Mulabomfya Bwino Ifya Kumfwaninamo?
Asukeni amepusho yane ayalamwafwa ukumona nga mwalitemwisha ifya kumfwaninamo.
