Panit sa Iho
Gidisenyo ba Kini?
Panit sa Iho
● Ang panit sa iho hamis tan-awon. Apan kini morag papel-de-liha kon imong hapyoron gikan sa ikog paingon sa ulo. a
Hunahunaa: Ang gigming nga himbis nga may kanal-kanal makatabang sa iho sa duha ka paagi. Una, paspas ang paglangoy sa iho kay hanoy ang pagtadlas sa tubig diha sa himbis niini. Ikaduha, walay mga parasito nga magpuyo diha sa panit niini kay maglihok-lihok man ang himbis sa dihang maglangoy ang iho.
Nakita sa mga tigdukiduki nga adunay lainlaing paagi diin mahimong sundogon ang disenyo sa panit sa iho sa paggamag mga produkto. Pananglitan, ang mga siyentista nakaimbentog swimsuit nga gisundog gikan sa panit sa iho, ug kadtong naggamit niana mipaspas ug mga tres porsiyento sa ilang paglangoy. Nagtuo sila nga ang disenyo sa panit sa iho mahimo usab nga sundogon sa paggamag mga kotse ug sakayan sa dagat nga kusog modagan.
Buot sa mga tigdukiduki nga makaimbentog mga pintura nga sama sa panit sa iho aron dili mapuy-ag mga mikrobyo ang sakayan. Mas maayo ang maong pintura kay kana dili makahilo ug dili makadaot sa kinaiyahan. Buot usab nilang sundogon ang panit sa iho sa paggamag mga produkto ug medikal nga mga himan aron malikayan ang mga impeksiyon nga makuha diha sa ospital.
Unsay imong hunahuna? Ang panit ba sa iho—nga makatabang sa pagdaginot ug enerhiya ug sa kahinlo sa iho—sulagma lang nga mitungha o dunay nagdisenyo?
[Footnote]
a Dili nimo mamatikdan ang kasapnot niini kon ang imong paghapyod maggikan sa ulo paingon sa ikog.
[Hulagway sa panid 10]
Gipadako nga hulagway sa himbis sa iho
[Picture Credit Lines sa panid 10]
Scales: © Eye of Science/Photo Researchers, Inc.; shark: © Image Source/age fotostock