KAPAS EIS 12
Ifa Ach Ápilúkúlúk fán Iten Ekkewe mi Máló?
“Ousap máirú ren ei, pún ewe fansoun epwe feito atun meinisin chókkewe mi nóm lón peiás repwe rong léúwan me towu.”
“Epwe wor eú manawsefál fán iten ekkewe mi pwúng me ekkewe rese pwúng.”
“Úa pwal kúna ekkewe mi máló, ekkewe mi kis me ekkewe mi lap, ra útá mwen ewe leenien móótun king, me ekkewe puk ra suukuló. Mwirin pwal eú puk a suukuló, ina ewe puken manaw. Iwe, ekkewe mi máló ra kapwúng me ren met mi mak lón ekkena puk alóngólóng wóón féfférúr. Iwe, ewe mataw a fangewu ekkewe mi máló mi nónnóm lón, me máló me Peiás ra fangewu ekkewe mi máló mi nónnóm lóór, iwe emén me emén iir ra angei kapwúngúúr alóngólóng wóón féfférúr kewe.”
