“Pwal ina chék ussun ren ekkewe mwán, repwe tongei pwúlúwer kewe ussun chék ar tongei pwisin inisiir. Emén mwán mi tongei pwúlúwan a tongei pwisin i, pún ese wor emén a oputa pwisin inisin, nge a fen amwéngééni me aúcheani . . . Oupwe tongei en me pwúlúwemi ussun chék ámi tongei pwisin ámi.”

Efisus 5:28, 29, 33

“Ámi sam kana ousap asonga néúmi kewe, nge oupwe ámááriiretá lón ewe emirit me éúréúr me ren Jiowa.”

Efisus 6:4

“Ewe fefin epwe fókkun súféliti pwúlúwan we.”

Efisus 5:33

“Ámi fefin kana, oupwe onómukemi fán nemenien pwúlúwemi kewe, pún ina met chón tapweló mwirin ewe Samol repwe féri.”

Kolose 3:18

“Ámi naw kana, oupwe álleasochisi sememi kewe me inemi ussun met ewe Samol a mochen, pún iei met mi pwúng ámi oupwe féri. ‘Asamolu semom me inom,’ iei ewe áeúin allúk mi fiti eú pwon: ‘Pwe kopwe sópwéch me manawattam wóón fénúfan.’”

Efisus 6:1-3

“Ámi naw kana, oupwe álleasochisi sememi kewe me inemi lón mettóch meinisin, pún iei met a apwapwaai ewe Samol.”

Kolose 3:20