Oho, Jehovah Adasefo nntua tithe; ntoboa a nkorɔfo a wɔnnda hɔnho edzi yi no na yɛdze tua hɛn dwumadzi ahorow no ho kaw. Ebɛnadze nye tithe, na ebɛnadze ntsi na Jehovah Adasefo nntua tithe?

Ahyɛdze a ɔnye dɛ obi ntua tithe anaa onyi n’ahodze mu ebupɛn du du no kã Mbra a wɔdze maa tsetse Israel man no ho. Naaso, Bible no ma no mu da hɔ pefee dɛ dɛm Mbra yi​—a dɛm “ahyɛdze bi dɛ wɔgye ebupɛn du du” kã ho no​—mmfa Christianfo ho.​—Hebrewfo 7:​5, 18; Colossaefo 2:​13, 14.

Dɛ nkyɛ Jehovah Adasefo botua tithe anaa sika bi a woetwa ama hɔn no, wosũasũa Christianfo a wodzi kan no mbom, na wɔboa hɔn som edwuma no wɔ akwan ahorow ebien do: wɔyɛ hɔn som edwuma no a wɔnngye akatua biara, na afei so wofi hɔn pɛ mu yi ntoboa ahorow.

Iyi ma yedzi akwankyerɛ yi a Bible no dze ma Christianfo no ekyir: “Dɛ mbrɛ obiara a esusu wɔ n’akoma mu, nnyɛ nkɔmpewdo, anaa nhyɛdo; na Nyankopɔn dɔ nyia ɔtsew n’enyim ma.”​—2 Corinthfo 9:7.