1. Vuravura qo rui veilecayaki,

Sala i Jiova tawakilai.

Gadrevi na veidusimaki e dei,

Noda kaukaua e segai.

Noda soqoni dau veivakacegui,

Da tubu na vakabauta.

Dau uqeta ga na caka vinaka,

Meda kua ni soro sara.

Da na muria dei vakaro i Jiova,

Lomana da cakava ga.

Na soqoni dusia veika dodonu,

Taleitaki ga na dina.

2. Jiova e kila veika da gadreva,

Rogoca nona iva’sala.

Bau volia na gauna mo dau soqoni

Vuku rogoca na Vosa.

Nodra veivukei na rerevaki Ja,

Laurai noda vakabauta.

Veivukei na itokani vakabauta,

Da sega ni tu taudua ga.

Nida waraka na gauna vinaka,

Soqo kei ra da lomana.

Meda na rawa ni vakaraitaka

Na vuku mai cake sara.