Vei Ira mai Efeso 6:1-24
6 Kemuni na gone, ni talairawarawa vei ira nomuni itubutubu+ me vaka na loma ni Kalou, ni dodonu qo.
2 “Mo rokovi tamamu kei tinamu”+ qo na imatai ni ivakaro e salavata kei na vosa ni yalayala:
3 “O na vinaka kina, o na bula balavu tale ga e vuravura.”
4 Kemuni na tama, ni kua ni dau vakacudrui ira na luvemuni,+ ni tuberi ira tiko ga ena ivakavuvuli+ kei na ivakasala* i Jiova.*+
5 Kemuni na bobula, ni talairawarawa vei ira na nomuni iliuliu vakatamata+ ena veidokai e vu dina mai lomamuni, me vaka nomuni doka na Karisito,
6 moni kua ni vakataki ira na dau tabetabe,*+ ia moni bobula i Karisito ena nomuni cakava na loma ni Kalou ena lomamuni taucoko kei na nomuni vinaka taucoko.+
7 Moni dauveiqaravi vinaka, me vaka ni oni cakava tiko vei Jiova,*+ sega ni tamata,
8 ni oni kila ni ka vinaka kece e cakava e dua, ena sauma vua o Jiova,*+ se bobula se tamata galala.
9 Kemuni tale ga na nodra iliuliu na bobula, ni cakava tiko ga na ka kece qori vei ira na nomuni bobula, ni muduka mada nomuni veivakarerei, ni oni kila ni tiko mai lomalagi na nomuni iLiuliu e nodra tale ga,+ qai sega ni dau veivakaduiduitaki o koya.
10 Kena itinitini, au uqeti kemuni moni vakaukauataki tiko ga+ ena nona cecere na Turaga kei na nona qaqa.
11 Ni vakaiyaragi ena iyaragi+ kece ni Kalou moni vorata kina na ivadi qaseqase ni Tevoro,
12 nida sega ni veivala*+ wale ga kei ira na vakalewe ra qai vakadra, ia eda veivala kei ira na veimatanitu, o ira na iliuliu, o ira na lewa tu na vuravura butobuto qo kei ira na yalo ca tawarairai+ ena veiyasana vakalomalagi.
13 Ena vuku ni tikina qo, moni vakaiyaragi ena iyaragi kece ni Kalou,+ moni kua kina ni yavalati ena siga ca. Ni oni sa vakayacora kece vakavinaka, moni tudei tiko ga.
14 O koya gona moni tudei, me ivau ni tolomuni na ka dina,+ me isasabai ni seremuni na yalododonu,+
15 me qai tu vakarau ni vakaivava na yavamuni ena itukutuku vinaka ni vakacegu.+
16 Ia na kena e bibi duadua, moni taura na isasabai levu ni vakabauta,+ moni bokoca kina na gasau waqa kece i koya na vunica.+
17 Moni taura tale ga na isala ni bula,+ kei na iseleiwau ni yalo tabu, ya na vosa ni Kalou,+
18 ena gauna vata qori moni dau kerea na veidusimaki ni yalo tabu+ ena ituvaki kece ga oni cabora kina na veimataqali masu+ kei na kerekere. O koya gona, moni yadra tiko ga moni qai dau masulaki ira na yalosavasava kece.
19 Moni masulaki yau tale ga, me soli kina vei au na vosa ena gauna au dolava kina na gusuqu, meu rawa ni vosa doudou, meu vakatakila na ka vuni tabu ni itukutuku vinaka+
20 me vaka niu kena mata,+ e dina niu vesu tu ena sinucodo, meu vosa kina ena doudou ni dodonu ga meu vosa ena doudou.
21 Moni rawa ni kila tale ga na veika e baleti au, ena qai tukuni au vei kemuni o Tikiko,+ e dua na tacida lomani e italatala yalodina ni Turaga.+
22 Qo na vuna au talai koya yani kina vei kemuni, moni kila na ka kece me baleti keitou, me vakaceguya tale ga na lomamuni.
23 Raveitacini, me tiko mada ga vei kemuni na vakacegu kei na loloma e salavata kei na nomuni vakabauta na Kalou na Tamada kei na Turaga o Jisu Karisito.
24 Me tiko mada ga vei ira kece na lomana dina na noda Turaga o Jisu Karisito na loloma soli wale, na loloma e sega ni vakaiyalayala.
iVakamacala e ra
^ Se “ivakaro, idusidusi.” Kir., “vakasamataka.”
^ Kir., “kua ni veiqaravi vakarairai mo vakamarautaka ga kina na tamata.”
^ Kir., “veimulomulo.”
