Galería de fotos de Warwick (de setembro de 2015 a febreiro de 2016)
Nesta galería de imaxes poderás ver os avances nas obras da nova sede central das Testemuñas de Xehová e o traballo dos voluntarios dende setembro de 2015 a febreiro de 2016.
7 de outubro de 2015. Warwick
Traslado dunha peza da ponte que se instalará nunha zona pantanosa. Durante a súa descarga protexérono con pneumáticos. Esta ponte servirá para preservar a zona onde irá instalada.
13 de outubro de 2015. Edificio de oficinas e servizos
Un tellado ecolóxico cuberto de plantas do xénero sedum que cambian de cor segundo se achega o inverno. Nos tellados, plantáronse dezaseis variedades. Os tellados ecolóxicos contribúen á protección do medio ambiente, xa que controlan a auga da chuvia, aforran enerxía e non precisan mantemento, agás a eliminación das malas herbas.
13 de outubro de 2015. Edificio de vivendas D
Un carpinteiro colocando as molduras na cociña dunha das habitacións. En febreiro de 2016, o Departamento de Carpintaría xa instalara máis do 60% do mobiliario das cociñas.
16 de outubro de 2015. Edificio de oficinas e servizos
Os electricistas instalan as luces LED que iluminarán o letreiro co logotipo da Watch Tower situado na torre do patio.
21 de outubro de 2015. Edificio de oficinas e servizos
Vista nocturna do edificio de oficinas e servizos, o letreiro da torre está iluminado. Dende a torre, os visitantes gozarán dunha vista única do complexo de Warwick e os seus arredores.
22 de outubro de 2015. Warwick
Os traballadores preparan o terreo e a continuación botan formigón para construír unha vía de acceso para vehículos de emerxencia. Unha malla provisional protexe o terreo da erosión durante as obras de pavimentación.
9 de novembro de 2015. Edificio de oficinas e servizos
Uns traballadores instalan unha claraboia prefabricada enriba do ascensor do vestíbulo. As once claraboias coas que conta este edificio permiten a entrada da luz natural.
16 de novembro de 2015. Edificio de mantemento e aparcadoiro para residentes
Un soldador corta cun soprete oxiacetilénico un tubo de aceiro ó carbono para o sistema de refrixeración.
30 de novembro de 2015. Edificio de oficinas e servizos
Unha carpinteira instala a base para a repisa dunha ventá. Unha vez que estea nivelada e a parede estea asegurada, instalaranse as repisas.
17 de decembro de 2015. Warwick
Os traballadores colocan lousas de pedra baixo a chuvia. No centro á dereita, unha niveladora alisa as dúas capas de material sobre o que irá colocado o pavimento. En primeiro plano, unha escavadora cun brazo hidráulico vai colocando as lousas. Á esquerda, unha lona de plástico protexe o chan da erosión.
24 de decembro de 2015. Warwick
Unhas traballadoras pasan cable de media tensión para unha subestación que subministrará enerxía eléctrica ó complexo de Warwick.
5 de xaneiro de 2016. Edificio de oficinas e servizos
Un traballador remata a estrutura da cuberta situada entre o aparcadoiro e o edificio de oficinas e servizos. Esta cuberta está destinada a protexer os visitantes da chuvia e da neve.
5 de xaneiro de 2016. Edificio de mantemento e aparcadoiro para residentes
Un técnico programa unha caldeira no panel de control. Xa están instaladas as catro caldeiras do complexo.
8 de febreiro de 2016. Edificio de oficinas e servizos
Uns técnicos instalan as secadoras na lavandaría. Teñen unha capacidade de entre 6 e 45 kg. As lavadoras irán instaladas ó longo da parede da esquerda.
8 de febreiro de 2016. Complexo de Tuxedo
Gerrit Lösch, un membro do Consello Reitor, dirixe o estudo de La Atalaya da familia Betel. Esta reunión retransmítese ós lugares onde se aloxan os voluntarios de Warwick.
19 de febreiro de 2016. Edificio de vivendas A
O Departamento de Interiores descarga moqueta nun dos edificios de vivendas. Compráronse máis de 65.000 m2 de moqueta para todo o complexo de Warwick.
22 de febreiro de 2016. Warwick
Entre setembro de 2015 e febreiro de 2016, chegaron os permisos de habitabilidade para os edificios de vivendas C e D. Isto permitiu aloxar aquí os traballadores. Xa están instalados tódolos ascensores. Tamén se rematou o acceso ós edificios de vivendas, incluída a colocación das lousas do pavimento. Grazas ó bo tempo que fixo no inverno, puidéronse avanzar os traballos de xardinaría.
24 de febreiro de 2016. Edificio de mantemento e aparcadoiro para residentes
Un membro do equipo do falso teito camiña con zancos para instalar a estrutura do teito. O Departamento de Paredes e Teitos encárgase de montar as estruturas, colocar o illamento, poñer os paneis de xeso e botar o lucido. As estruturas que instalan están preparadas contra incendios mediante un sistema de compartimentos.