«Piakai chi Aapajakai sünüiki wayuu suʼuraajapa, anteerü pünainmüin wayuu eekai eein».

Salmo 65:2

«Punouja nünain Jehová, nnojo punouja sünain tü pütüjaakalü aaʼu. Jülüja paaʼin nia sünain süpüshuaʼa tü kasa paaʼinrakat, loteetkalaka pukuwaʼipa nutuma».

Proverbios 3:5, 6

«Na wayuu kateekana oʼu süpüla kaʼikat süpüshuaʼa choʼujaasü namüin neʼraajüinjachin pia, chi waneeshikaijaʼa suluʼu Maleiwain otta choʼujaasü neʼraajüinjachin Jesucristo, chi püjünalakai».

Juan 17:3

«Süka jamüin, nnojoishi wattain [Maleiwa] woulia».

Aluwataaushikana 17:27

«Ayatüshia taya oʼuraajüin süpüla aijiraainjanain jia jee pansaainjatüin tü junoujakalü anain sümaa jiyaawatüin saaʼu sukuwaʼipa wanee kasa».

Filipos 1:9

 «Jaʼakale wanee wayuu eekai mekiin, anashi nuchuntule waneepia nümüin Maleiwa, kekiijeechikalaka nia nutuma, jama nüsülajülin Maleiwa namüin napüshuaʼa na wayuukana otta nnojoishii naya niyoujain saaʼujee tia».

Santiago 1:5

«Jürütkaa nünainmüin Maleiwa, nürütkaajeechika jünainmüin, maa juʼlojokai saaʼin jajapü jia kaainjaraliikana jee wuleinjatü jaaʼin jia wainmajakuʼu makana aaʼin».

Santiago 4:8

«Shiimainre alin wapüla Maleiwa woonoojeerü amaa tü nuluwataakalü anain waya, nnojotsü kapüleein tia makat».

1 Juan 5:3