bhajan 91:1-16
91 jo koi param-pradhan ki gupt jagah mein nivas karta hai,+woh sarvashaktiman ke saaye mein basera karega.+
2 main yahova se kahoonga, “tu meri panah aur mera mazboot gadh hai,+mera parmeshvar jis par main bharosa karta hoon.”+
3 woh tujhe baheliye ke fande se,jaanleva mahamari se bachayega.
4 woh apne dainon se tujhe dhaanp lega*aur uske pankhon tale tu panah lega.+
uski vafadari+ ek badi dhaal+ aur suraksha-deevar thehregi.
5 tujhe raat ka khauf nahin satayega,+na hi tu din mein chalnevale teeron se ghabrayega,+
6 na to tujhe andhere mein peechha karnevali mahamari ka dar hoga,na hi din-dopahri honevali tabahi ka dar hoga.
7 tere ek taraf hazar log dher ho jaayengeaur daayin taraf das hazar gir padeingemagar koi khatra tere paas tak nahin fatkega.+
8 tu sirf apni aankhon se yah sab dekhega,dushton ko saza paate dekhega.
9 toone kaha hai, “yahova meri panah hai,”
toone param-pradhan ko apna nivas* banaya hai,+
10 isliye tujh par koi sankat nahin aayega,+koi kehar tere tamboo ke paas tak nahin fatkega.
11 kyonki parmeshvar tere baare mein apne swargdooton+ ko hukm degaki teri sab raahon mein woh teri hifazat karein.+
12 woh tujhe haathon-haath utha leinge+taaki tera pair kisi patthar se chot na khaaye.+
13 tu sher aur naag ko kuchal dega,javan sher aur bade saanp ko pairon se raund daalega.+
14 parmeshvar ne kaha hai, “woh mujhse gehra lagav rakhta hai,* isliye main use bachaunga.+
main uski raksha karoonga kyonki woh mera naam jaanta hai.*+
15 woh mujhe pukarega aur main use javab doonga.+
main sankat ke samay uske saath rahoonga.+
main use bachaunga aur samman dilaunga.
16 main use lambee umra dekar santusht karoonga,+use uddhaar karne ki apni shakti dikhaunga.”+
kai footnote
^ ya “tere paas aane ka raasta rok dega.”
^ ya shaayad, “kila; panah.”
^ shaa., “jud gaya hai.”
^ ya “naam kabool karta hai.”