Gịnị Mere Ndịàmà Jehova Ji Aga n’Ụlọ Ndị Mmadụ Ezi Ha Ozi Ọma?
Jizọs gwara ndị na-eso ụzọ ya ka ha ‘mee ndị mba niile ka ha bụrụ ndị na-eso ụzọ ya.’ (Matiu 28:19, 20) Mgbe Jizọs na-ezipụ ndịozi iri na abụọ ya, ọ gwara ha ka ha gakwuru ndị mmadụ n’ụlọ ha. (Matiu 10:7, 11-13) Mgbe Jizọs nwụchara, Ndị Kraịst e nwere n’oge ahụ nọkwa na-ekwusara ndị mmadụ ozi ọma “n’ihu ọha nakwa site n’ụlọ ruo n’ụlọ.” (Ọrụ Ndịozi 5:42; 20:20) Anyị na-eme ihe ahụ Ndị Kraịst oge mbụ mere. Anyị achọpụtakwala na ịgakwuru ndị mmadụ n’ụlọ ha bụ otú magburu onwe ya anyị ga-esi nweta ndị anyị ga-ezi ozi ọma.