GALANI MA KA LINDA!
Dzi-scientists Dza ka Tapudza Nako ye ku Chinyiwa Kwe Shango—Baibili Ikatini?
Ne January 24, 2023, dzi-scientists dza kati nako ye ku chinyiwa kwe shango a ya ka sedzela ku nako ye 12 busiku, ku no dwa ku pedzisiwa kwe shango.
“Ne Tuesday nako ye ku chinyiwa kwe shango ku no milila mbatsha wulu mu bathu bose ya ka sedzela ku na 12 we busiku ku pinda zwibaka zose ne ntata ye nghwa ye Ukraine ya ka dwilila ne ku kweba kwebana kwe shango dzi na dzibomu dze nuclear ne mathatha e climate.”—AFP International Text Wire.
“Ne Tuesday dzi-Scientists dza ka leba kuti nako ye ku chinyiwa kwe shango ya chi saligwa ne 90 seconds koga, chibaka che bathu cha ba no zwiwana ba li pejo kwazo ne armageddon.”—ABC News.
“Gubungano le dzi-scientists le shango yose la ka thagisa kuti bathu ba mu chimo cha ili kuti ba nga bulayana bose ku sala ku sina nthu.”—The Guardian.
A ku pedzisiwa kwe bathu ne planet yedu kwa chi sedzela? A to sheta ku cha chi nowo shingikala mu chibaka chi no zha? Baibili Ikatini?
Chi nowo shingikala
Ku yenda ne Baibili, “shango inogalila tjatjose” kakale kowo be ne bathu ba nowo “gala muili nge kusingapele.” (Nreri 1:4; Pisalema 37:29) Ndizo bathu ha ba nga chinye shango kene ku i thama kuti ku songo gagwa mu ili.
Ne kwa ka jalo, Baibili i no chenesa kuti kowo be ne bupelo. Ku lakidzila, ikati “shango inopela.”—1 Johani 2:17.
Ku zwidiya kuti Baibili i no dwani ha e leba ne kwe bupelo gwe shango, bala nsholo u noti “Is the World Coming to an End? What Is the Apocalypse?”
Ku zwidiya kuti Baibili ikatini ne kwe chibaka che zwi nowo shingikalila shango, bala nsholo unoti “Lefatshe le Tla Fela Leng?”
Ku dwilila ti linga zwithu ne zila ya ka lulwama
Baibili i nga ti batsha ku dwilila ti linga zwithu ne zila ya ka lulwama nenguba shango ili zhele mathatha. Chini?
Baibili i no ti kumbuludza se kwa ti nga chila zhuba ne zhuba. (2 Timoti 3:16, 17) Ku lakidzila, bala nsholo unoti “How to Control Worry” ku bona se kwa Baibii i nga ku batsha ku dwilila u linga zwithu zwibuyanana nenguba ku na mathatha mu buchilo.
Baibili i no ti pa thembo ye Malebeswa ne kwe buchilo gwe chibaka chi no zha. (Baroma 15:4) I no chenesa zwibuyanana cha ti nga lingilila ngwenu ne mu chibaka chi no zha, ku no ti batsha ku dwilila ti na thembo ha ta ka lingisana ne zwithu zwi no shingikala mu shango.
Kuti Baibili i ku batshe kwazo, to ku laletsa kuti u zwidiye Baibili mahala ne nngwe wedu.
a “Watch ye nako ye ku chinyiwa kwe shango ya ka thamigwa ku thagisa bathu ne se kwa ti li pejo ne ku chinya shango yedu ne zwithu zwi mbatsha zwe technology zwa ta ka thama. I chifaniso chi no ti kumbuludza mathatha a ta ka fanila pedzisa kuti ti dwilile ti chila mu planet yedu.”—Bulletin of the Atomic Scientists.
Kakale u Nga Shathila ku Bona
BUZO DZE BAIBILI DZO DABIGWA
Ngwa ye Amagedoni Ini?
Dama linoyi “Amagedoni” lo boneka kangompela koga mu Baibili, ngono ngwa ya li no milila i no chenesiwa mu Hwalo dzinjinji.
ZWIDIYO ZWE BAIBILI ZWI NO SHETEKA
Ini Ndzimu e Dumilila ku Ngongola?
Baibili i no pa dabilo i no hwika kakale i nyaladza.
ZWIDIYO ZWE BAIBILI ZWI NO SHETEKA
Ini Ndzimu a ka Bumba Shango?
Shango yedu ya ka naka kwazo. Ya ka bigiwa pa ka fanila ku dwa mu zhuba, ya ka peyama ne chilizano cha ka fanila, ngono i no poteleka ne lubilo gwa ka fanila. Ini Ndzimu a ka shinga kwazo ku bumba shango?
NE KWEDU
Kumbila Kumbiwa
Lebeleka ne kwe buzo ye Baibili, kene zwidiye kunjinji ne kwe Bafakazi ba Jehova.
