“Atuarfim­mi ajor­nar­torsiuteqaraangama inum­mik nuan­narisan­nik uanga misigisimasan­nut as­singusunik misigisaqarsimasumik eq­qarsaateqar­tar­nera iluaqutigisar­para. Taava taas­suma maligas­siaa malin­niar­tar­para. Maligas­saqaraangama ar­tor­nar­torsior­nik­ka anigoruminar­tin­nerusar­pak­ka.” – Haley.

 Maligas­saqar­nerit ajor­nar­torsiutinik avaq­qus­sinis­samut anguniak­kan­nil­lu angusinis­samut iluaqutigisin­naavat. Maligassarilluarsinnaasannik toq­qaanis­sat pingaar­ner­paavoq.

•  Sooq eqqarsaatigilluaqqaarlugu toqqaasariaqarpit?

•  Qanoq toqqaasinnaasutit

•  Inuusuttoqativit isumaat

•   Maligas­san­nik sorler­nik toq­qaanerit iliuutsin­nut sun­niuteqas­saaq.

   Biibilimi kristumiut maligas­saal­luar­tunik maluginiaasaq­qul­lugit ima kajumis­saar­neqar­put: “Iliuusii qanoq kinguneqar­tut maluginiarsiuk up­per­nik­kul­lu ilaarlugit”. – Hebræerit 13:7, NW.

   Siunnersuut: Maligas­satut toq­qak­kavit ajun­ngitsumik ajor­tumil­luun­niit sun­nersin­naam­matit pis­suserivis­sunik toq­qaasarit – nuan­narineqar­nerusuniin­naan­ngitsoq inuusut­toqatin­niin­naan­ngitsorlu.

   “Kristumioqatiga Adamimik atilik isiginnittaasiatigut pissusiatigullu ilinniarfigilluarpara. Taassuma oqaasiisa iliuusiisalu ilaat aalajangersimasut suli eqqaamavakka. Naluaa uannut qanoq sunniuteqartigisimanerluni.” – Colin.

•   Maligas­sat­tut toq­qak­kat eq­qarsar­taatsin­nut misigis­sutsin­nul­lu sun­niuteqas­saaq.

   Biibilimi ima al­las­simavoq: “Tam­mar­naveeritsi! Ikin­ngutipalaaqar­neq ileq­qorik­kaluar­tunut aseruutis­siisar­poq.” – 1 Korinthimiut 15:33.

   Siunnersuut: Maligas­san­nik toq­qaasarit isik­kua tun­ngavigiin­nar­nagu nuan­nersunil­li pis­suseqar­nera tun­ngavigalugu taamaaliun­ngik­kuit pakatseqinagavit.

   “Inunnut isikkorissunut naleqqiuttuaannarluni pingaaruteqanngitsutut pinniitsutullu misiginartarpoq. Nammineq isikkut eqqarsaatigiinnaveqqajaalersinnaavat.” – Tamara.

   Una eq­qarsaatigiuk: Tusaamasanik timersor­tar­tunil­luun­niit maligas­satut toq­qaaneq sunik ajoqutis­sar­taqar­pa?

•   Maligas­san­nik sorler­nik toq­qaanerit anguniak­kan­nik angusisin­naanin­nut sun­niuteqarsin­naavoq.

   Biibilimi ima al­las­simavoq: “Ilisimasunik peqateqar­toq ilisimas­suseqalersar­poq.” – Us­satit 13:20.

   Siunnersuut: Maligas­saq­qis­sunik il­lit pis­susererusutan­nik nuan­nersunik pis­susilin­nik toq­qaasarit. Taak­kua pis­susiinik maluginiaatil­lutit aalajangersimasunik iliuuseqarsin­naavutit anguniak­kan­nik angusiar­tuaalerlutit.

   “Aalajangersimaqqissaanngitsumik anguniagaqarnak soorlu ima oqarlutit: ‘Akisussaassuseqarnerorusuppunga’, paarlattuanik ima oqarsinnaavutit: ‘Jane-tut akisussaassuseqarnerorusuppunga. Taanna piffissaq eqqorlugu takkuttuaannarpoq imminullu suliareqquneqartunik pimoorussisarluni.’” – Miriam.

   Iner­niliineq: Maligas­saal­luar­tumik toq­qaaguit inut­tut qanoq it­tun­ngor­nis­sat il­lit nam­mineq sun­niuteqarfigis­savat.

 Maligas­san­nik toq­qaaniar­nin­ni ukua arlaat periaaserisin­naavat.

1.   Pis­suseq sulis­sutigerusutat toq­qariarlugu taamatut pis­susilim­mik maligas­sarsiorsin­naavutit.

2.   Maligas­san­nik toq­qaariarlutit taas­suma pis­suserisaanik il­lit ineriar­tor­tik­kusutan­nik toq­qaasin­naavutit.

 Im­mersugas­saq al­laaserisamut matumun­nga atasoq taamaalior­nis­samut iluaqutigisin­naavat.

 Uku maligas­satut toq­qarsin­naavatit:

•  Peqatitit. “Ikin­ngutiginer­paasat­tut pis­suseqarusup­punga. Taan­na al­lanik isumas­suinis­samut ulapip­pal­laan­ngisaan­nar­poq. Uan­nit nukarliuvoq, pis­susiili nuan­nerluin­nar­tut uanga pis­suserin­ngisak­ka takugaangak­kit maligas­siaanik malin­nik­kusuler­tar­punga.” – Miriam.

•  Inersimasut. Taak­ku tas­saasin­naap­put il­lit angajoq­qaatit up­peqatitil­luun­niit. “Angajoq­qaak­ka qular­nan­ngil­luin­nar­tumik uan­nut maligas­saal­luar­put. Nuan­nerluin­nar­tunik pis­suseqar­put. Nalun­ngilara kuk­kusar­tut, taamaak­kaluar­torli aalajaat­tuar­put. Taak­kunatut utoq­qaatigileruma neriup­punga taamatul­li eq­qar­tor­neqarsin­naajumaarlunga.” – Annette.

•  Inuit Biibilimi eqqaaneqartut. “Biibilimi eq­qaaneqar­tut arlal­lit tamarmik im­mik­kut pis­susii as­sigiin­ngitsut tun­ngavigalugit maligas­sat­tut toq­qar­pak­ka – Timotheusi, Ruthi, Jobi, Petrusi niviarsiararlu Israelik­kuusoq. Inuit Biibilimi eq­qaaneqar­tut pil­lugit ilin­niar­nerujar­tor­til­lunga taak­ku uan­nut piviusun­ngor­nerujar­tuin­nar­tar­put. Atuak­kami Uppersusiat maliguk-mi oqalut­tuarineqar­tut aam­mat­taaq atuak­kani Unge Spørger – Svar der duer-mi qup­per­nerit ‘Rol­lemodel­ler’-mik qulequtal­lit atuaq­qis­saar­neri nuan­naarutigeqaak­ka.” – Melinda.

 Siunnersuut: Ataasiin­narmik maligas­saqar­niaqinak. Apustilip Paulusip kristumioqatini ima al­laf­figai: ‘Isiginiarsigit ilis­sin­nut maligas­saas­suser­put naaper­torlugu inuusut.’ – Filip­pimiut 3:17.

 Nalunngiliuk? Illit al­lanut maligas­saasin­naavutit! Biibilimi ima al­las­simavoq: ‘Up­per­tunut maligas­saatin­niarit oqalun­nik­kut, inuuserisak­kut, asan­nin­nik­kut, ilumoorsutsik­kut minguis­sutsik­kul­lu.’ – 1 Timotheusi 4:12.

 “Illit suli nammineq sulissutissaqaraluarlutit allat inuttut ineriartornissaannut ikiorsinnaavatit. Nalunaqaaq kimit maluginiarneqarnersutit, aamma nalunaqaaq oqaatsitit inuup allap inuunerminik allannguissutigisinnaanerai.” – Kiana.