ចម្រៀងលេខ២៤
ចូរឡើងទៅភ្នំរបស់ព្រះយេហូវ៉ា
(អេសាយ ២:២-៤)
-
១. ចូរងើយភ្នែកមើលទៅឯ
ភ្នំរបស់ព្រះយេហូវ៉ា
ខ្ពង់ខ្ពស់ហួសអស់ទាំងទួលភ្នំ
រុងរឿងប្រសើរកន្លង
មនុស្សមកពីជិតឆ្ងាយ
គ្រប់ប្រទេសនិងគ្រប់ទិសទី
ពួកគេគ្រប់ប្រាណពោលថា៖
‹ចូរយើងទៅស្ដាប់បង្គាប់ព្រះ›
ឥឡូវពេលបានមកដល់
ដែលរាស្ត្រព្រះកើនចំនួនយ៉ាងអស្ចារ្យ
កាលយើងរីកចម្រើនឡើង
ការដឹកនាំនិងពរព្រះយើងឃើញច្បាស់
ឥឡូវជនរាប់លាននាក់
ទទួលយករាជ្យរបស់ព្រះ
ពួកគេបានស្បថយ៉ាងជាក់
នៅស្មោះនឹងលោកឥតកែគេច។
-
២. លោកយេស៊ូបានបង្គាប់
ឲ្យយើងទៅផ្សាយបណ្ដាំព្រះ
សព្វថ្ងៃមនុស្សគ្រប់ប្រាណអាច
ឮអំពីរាជ្យនៃព្រះ
គ្រិស្តគ្រប់គ្រងនៅសួគ៌ា
ប្រាប់គ្រប់គ្នាឲ្យគាំទ្រលោក
ជនរាបសាដែលស្ដាប់លោក
ពួកគេធ្វើតាមបណ្ដាំព្រះ
យើងសប្បាយចិត្តក្រៃលែង
ពេលក្រុមធំរីកចម្រើនជាបន្ត
យើងគ្រប់គ្នារួមចំណែក
ពេលយើងខំផ្សាយប្រាប់មនុស្សស្មោះសរ
ចូរយើងបន្លឺវាចា
ឲ្យមនុស្សគ្រប់គ្នាបានឮ
‹ចូរឡើងភ្នំព្រះយេហូវ៉ា
ដែលនឹងឋិតថេរជានិច្ច›៕
(សូមពិនិត្យបន្ថែម ចសព. ៤៣:៣; ៩៩:៩, អេ. ៦០:២២; សកម្ម. ១៦:៥)
