ចម្រៀងលេខ៤៧
អធិដ្ឋានទៅព្រះយេហូវ៉ារាល់ថ្ងៃ
-
១. អធិដ្ឋានទៅព្រះដែលស្ដាប់ពាក្យអង្វរ
តាងនាមព្រះយេហូវ៉ាជាឯកសិទ្ធិល្អ
ចូរបញ្ចេញវាចាដល់ព្រះដូចមិត្តភក្ដិ
ចូរទុកចិត្តលើព្រះហើយរមែងពឹងពាក់
អធិដ្ឋានទៅព្រះរាល់ថ្ងៃ។
-
២. អធិដ្ឋានអរគុណដែលយើងមានជីវ៉ា
សុំព្រះអភ័យទោសដូចយើងក៏មេត្ដា
សារភាពទៅព្រះសុំលោកប្រោសប្រណី
លោកដឹងថាយើងខ្សោយធ្វើពីធូលីដី
អធិដ្ឋានទៅព្រះរាល់ថ្ងៃ។
-
៣. អធិដ្ឋានទៅព្រះពេលដែលយើងភ័យភិត
ព្រះជាបិតាយើងហើយលោកតែងនៅជិត
ចូរសុំលោកការពារយើងហើយសុំលោកជួយ
លោកជាទីទុកចិត្តយើងមិនគួរភ័យព្រួយ
អធិដ្ឋានទៅព្រះរាល់ថ្ងៃ៕
(សូមពិនិត្យបន្ថែម ចសព. ៦៥:៥; ម៉ាថ. ៦:៩-១៣; ២៦:៤១; លូក. ១៨:១)