Eric: Ou kone mo pa tro dan relizion mwa. Mo pa panse nou ena boukou pou koze.

Brian: Mo apresie ki ou’nn dir mwa sa. Ofet mo prezant mwa, mo apel Brian. Ek ou, kouma ou apele?

Eric: Mo apel Eric.

Brian: Mo bien kontan pou zwenn ou Eric.

Eric: Mo’si parey.

Brian: Si ou permet mwa demann ou, eski ou finn grandi dan enn fami relizie?

Eric: Wi. Me kan mo’nn al liniversite, mo’nn poze inpe ar relizion.

Brian: OK. Ki ou finn aprann koumsa?

Eric: Sosiolozi ek listwar. Touletan mo finn kontan listwar​—ou kone, kouma bann sosiete finn devlope.

Brian: Wi listwar vremem interesan. Kitfwa ou kone, Labib koz lor listwar. Eski ou’nn deza servi Labib dan ou bann resers?

Eric: Non, pa vremem. Mo kone li enn bon liv, me zame mo’nn konsider Labib kouma enn liv ki koz lor listwar.

Brian: Mo trouve ou enn dimounn ki ena lespri bien ouver. Si ou ena de-trwa minit, mo ti pou kontan montre ou enn-de lexanp kouma listwar li exakt dan Labib.

Eric: Pena problem. Me mo pena enn Labib.

Brian: Korek sa. Mo kapav montre ou dan pou mwa. Nou get enn premie lexanp dan 1 Kronik sapit 29, verse 26 ek 27. Li dir: “Ek David, garson Zese, finn regne lor tou pei Izrael, ek li finn regn lor Izrael pandan 40 an. Pandan 7 an li finn regne lor Ebronn ek li finn regne pandan 33 an lor Zerizalem.”

Eric: Kouma sa lexanp-la montre ki Labib li exakt konsernan listwar?

Brian: Ou kone pandan enn lepok bann kritik ti pe dir ki Lerwa David zame finn existe.

Eric: Abon? Kifer?

Brian: Apart dan Labib, ti ena bien tigit prev pou prouve ki li ti existe. Me an 1993, enn lekip arkeolog finn dekouver enn vie ros kot ti ekrir enn mo ki nou kapav tradir par “Lakaz David.”

Eric: Interesan sa.

Brian: Bann dimounn ti osi met an dout lexistans enn lot personaz ki ena dan Labib. Li apel Pons Pilat ek li ti enn gouverner dan lepok Zezi. Nou kapav lir sa dan Lik sapit 3, verse 1 kot Pons Pilat mansione parmi bann dirizan dan sa lepok-la.

Eric: Wi. Li dir: “Letan Pons Pilat ti gouverner Zide, Erod ti sef Galile.”

Brian: Exakt. Pandan plizir lane, bann spesialis  Labib pa ti tro kone si vremem Pons Pilat ti existe. Me, inn gagn 50 an, finn dekouver enn ros dan Lwes l’Asie, kot so nom ti grave lor la.

Eric: Hmm. Mo pa ti konn sa bann detay-la.

Brian: Mo kontan mo pe partaz sa avek ou.

Eric: Mo dir ou fran, mo finn touletan respekte Labib kouma enn liv literatir, me zame mo ti panse ki li ena enn linportans dan nou lepok. Kitfwa li exakt an rapor avek listwar me mo pa panse ki li kapav ed nou zordi.

Brian: Boukou dimounn dakor avek seki ou pe dir. Me mo pa pans koumsa. Ou kone kifer? Parski bann kitsoz ki bann dimounn bizin pa finn sanze depi koumansman listwar limanite. Par exanp, touletan nou’nn bizin rod manze, linz ek enn plas pou nou reste. Touletan nou’nn ena sa bezwin pou kominik avek lezot dimounn ek pou ena enn fami ere. Ou dakor?

Eric: Wi, mo dakor.

Brian: Labib kapav ed nou dan tou sa bann domenn-la. Se pou sa ki nou kapav dir, ki Labib li enn vie liv me ki modern.

Eric: Ki ou pe rod dir?

Brian: Ofet dan Labib ena bann prinsip bien inportan ki ankor ena so valer zordi parey kan ti ekrir zot plizir santenn lane avan.

Eric: OK. Ou ena bann lexanp?

Brian: Par exanp, bann prinsip Labib kapav ed nou pou ena enn latitid ekilibre lor larzan ouswa pou ena enn lavi fami ki ere ouswa pou vinn enn bon kamarad. Sa liv-la kapav ed nou pou reisi dan nou lavi. Ou pou dakor ki zordi li difisil pou enn mari ouswa enn papa asim so rol kouma bizin.

Eric: Wi, sa mo dakor avek ou. Sa fer preske enn an ki mo’nn marye. Me mo madam ek mwa, pa touletan ki nou dakor.

Brian: Me dan Labib ena bann prinsip bien sinp ki kapav ede. Par exanp anou pran Efezien sapit 5. Nou lir verse 22, 23 ek 28 (NW). Eski ou ti pou kontan lir sa bann verse-la?

Eric: Biensir. Li dir: “Fode ki bann fam soumet ar zot mari parey kouma zot soumet ar Lesegner, parski enn mari li sef so fam parey kouma Christ osi li sef kongregasion; limem sover sa kongregasion-la.” Ek verse 28 dir: “Se dan sa mem fason-la ki bann mari bizin kontan zot madam parey kouma zot prop lekor. Enn misie ki kontan so madam kontan limem.”

Brian: Mersi pou ou lektir. Eski ou pa panse ki si toule-de konzwin esey aplik sa bann konsey bien sinp la, lavi dan lafami ti pou ameliore?

Eric: Wi, mo panse. Me fasil pou dir sa!

Brian: Li vre, personn pa parfe. Selman dan sa mem sapit Labib la ena enn verse ki ankouraz nou pou nou montre nou rezonab. a Dan ninport ki relasion, bizin ena enn lekilib ek bizin fer bann konsesion. Mo madam ek mwa, nou finn trouve ki Labib kapav ed nou pou trouv sa lekilib-la.

Eric: Wi, lozik.

Brian: Bann Temwin Zeova ena enn sit Internet kot ena bann size bien interesan lor maryaz ek lor lavi fami. Si ou ena de-trwa minit ankor, mo ti pou kontan montre ou.

Eric: Wi, pena problem.

Brian: OK, mersi. Ladres nou sit Internet se www.mr1310.com. Sa nou paz lakey.

Eric: Mo kontan sa bann foto-la.

Brian: Sa bann foto-la montre inpe nou travay predikasion ki nou pe fer dan lemond antie. Get sa seksion-la aster: « De l’aide pour les couples et les parents. » Anba sa soutit-la, ena plizir ti lartik  ki explike kouma kapav reazir dan plizir sitiasion. Eski ena enn ladan ki interes ou?

Eric: Wi sannla, « Comment régler les problèmes dans votre couple. » Sa kapav ed mwa.

Brian: Sa lartik-la montre kat fason kouma regle bann problem. Get seki sa paragraf-la dir isi. Eski ou ti pou kontan lir sa, Eric?

Eric: Wi biensir. Li dir: « Si l’on comparait la communication dans le mariage à l’oxygène véhiculé par le sang, alors l’amour et le respect seraient le cœur et les poumons de la relation. » Hmm, bien zoli sa.

Brian: Mersi boukou pou ou lektir. Ena enn verse Labib ki site isi. Ou kapav ouver li kan ou tous verse-la.

Eric: Wi, mo trouve. Éphésiens 5:33. Li dir: « Que chacun de vous, pour sa part, aime ainsi sa femme comme lui-même ; de son côté, la femme doit avoir un profond respect pour son mari. »

Brian: Eski ou’nn remarke ki isi met lanfaz lor donn seki enn kikenn pe atann pou gagne?

Eric: Mo pa tro konpran ki ou pe dir.

Brian: Eski li pa vre ki enn misie anvi kone ki so madam respekte li? Ek an retour eski madam-la pa pou anvi rasir limem ki so misie vremem kontan li?

Eric: Wi, mo dakor avek sa.

Brian: Si mari-la touletan rod bann fason pou montre so lamour pou so madam, eski li pa pou pli fasil pou madam-la montre respe anver li?

Eric: Li paret ki sa kapav marse.

Brian: Mem si finn ekrir sa verse-la inn gagn preske 2,000 an, li donn bann bon konsey pou mari ek fam toule-de. Si zot aplik sa bann konsey pratik la, sa pou mars bien pou zot. Ek si nou rapel sa lexanp ki nou ti lir avan la, “leker ek poumon” enn maryaz pou an bonn sante.

Eric: Mo bizin rekonet, mo pa ti panse ena tousala dan Labib.

Brian: Mo apresie ki ou pe dir sa, Eric. Mo ti pou kontan re-zwenn ou pou gagn ou lopinion lor soutit « Quatre mesures pour régler les problèmes » ki trouv dan mem lartik lor nou sit Internet. b

Eric: Pena problem. Mo madam ek mwa nou pou get sa ansam.